Romeo Subaldo

Sa subong wala sang weather disturbance nga na monitor ang PAGASA sa sulod kag sa gwa sang Philippine Area of Responsibility.Pero base naman sa tropical cyclone threat potential forecast sang PAGASA, may posible nga tropical cyclone nga maporma kag may low to moderate chances nga mangin bagyo nga na monitor sa southeastern boundary nga gina paabot nga magasulod sa PAR sa madason nga semana.Ini ang posible nga mag sulod sa northern Mindanao area.Sa subong ang shearline ukon ang pagtabo sang mainit kag matugnaw nga hangin ang naga dala sang ulan sa eastern section sang Luzon.

Indi pa matumod kun paano napatay si anay Silay City Mayor Carlo Gamban kay nagapadayon pa ang imbestigasyon sang PNP.Suno sa kay Police Lieutenant Colonel Mark Anthony Darroca ang Chief of Police sang Silay City PNP, nakuha sa sulod sang kwarto sang anay alkalde ang cal. 38 revolver nga yara na sa iya nga paa.Dugang pa ni Darroca, ipaidalum sa ballistic examination ang narekober nga bala kag pusil ni Gamban para sa ila nga imbestigasyon.Mga las dos y media sang Lunes sang hapon, sang makabati sang lupok ang duha ka mga kabulig ni Gamban. Paglili nila sa kwarto nakita nila ang duguon nga si Gamban.Suno kay Mayor Joedith Gallego nga nagpadulong sa balay ni Gamban, sa nabaton niya nga impormasyon accidental firing ang ginkamatay sang anay alakalde.Pero as of press time w...

Negros Power indi mang-disconnect sa wala makabayad sang bill sang November.Ini ang gin anunsyo sang kumpanya subong nga adlaw sa ila social media page.Dugang pa sang NEPC, yara pa sila sa proseso sang pag-migrate halin sa CENECO padulong sa Negros Power system gani may mga bills nga na delay ang distribution.Nagapangayo sang pasaylo ang Negros Power sa delay pero nagpasalig sila nga indi sila magpatuman sang dugang nga balayran sa mga late payments ukon ulihi na nagbayad kag indi man sila mang-utod sang linya sa mga na apektuhan sang November 2024 nga billing cycle.Ang mga wala pa makabaton sang November nga bill magabaton sang ila bills sini nga Disyembre 2024.

CAFGU patay matapos gintiro sang iya commanding officer bangud sang gina alegar pagpangimon.Patay ang isa ka miyembro sang CAFGU nga naka base sa Bayawan City, Negros Oriental matapos nga gintiro sa ulo sang iya mismo nga commanding officer.Suno kay Punong Barangay Juan John Alcantara sang Brgy. Nangka, sa nakuha nila nga impormasyon ginhingagaw pa dala sa ospital ang 22 anyos nga biktima nga si Ariel Nava apang gindeklarar ini nga dead on arrival.Boluntaryo nga nag-surrender sa PNP ang suspek nga commanding officer suno pa sa kapitan.Istorya sang mga residente malapit sa natabuan sang insidente naga saulog sang iya birthday ang suspek kag may inum-inum sa sulod sang ila detachment.Hinali na lang nakabati sang tatlo ka sunod-sunod nga lupok ang mga residente malapi...

Pito tanan ka mga lalaki ang nagkaladakpan sa ginpatigayon nga drug-bust operation sang City Drug Enforcement Unit sa Purok Malvar Cubay, Brgy. Villamonte sa Bacolod pasado la una kaina sang kaagahon.Suno kay Police Captain Genus David, deputy chief sang CDEU, nakuha sa mga na aresto ang 110 grams sang suspected shabu nga may standard drug price nga P748,000 pesos kag drug paraphernalia.Ang pito ang gin-detain sa Police Station 4 kag pasakaan sang kaso nga pagsupak sa Comprehensive Dangerous Drugs Act of 2002.

Walo ka tuig nga bata na rescue samtang nagakalumos sa Boulevard sang Dumaguete City.Makita sa video nga kuha ni Marty Ablong nga gilayon nga na rescue sang mga responders ang walo ka tuig nga bata matapos nga madeparahan nga nagaka lumos ini sa Rizal Boulevard, Dumaguete City, Martes sang gab-i.Suno kay Police Lt Col. Don Conag, hepe sang Dumaguete City Police Station naga swimming ang bata sang gulpi lang nagbaskog ang balod. Ginbudlayan pa ang rescuers sa pagkuha sa bata.Gin kinahanglan pa nga mag gamit sang lubid para makuha ang bata.Matapos ma rescue gilayon nga gindala sa ospital ang bata para mausisa ang iya kondisyon kag yara na ini sa estable nga kondisyon.Paandam sang mga pulis sa ginikanan, bantayan ang kabataan kay may mga hinali na lang naga swimming s...

Bulkan Kanlaon liwat na naman nga nag buga sang abo.Naka record sang isa ka pagbuga sang abo sang bulkan Kanlaon ang Philippine Institute of Volcanology and Seismology nga naglawig sang nuebe minutos kahapon, Nobyembre 26.Base sa monitoring sang PHILVOLCS, ang Kanlaon ang nagbuga sang 8,244 ka tonelada sang sulfur dioxide nga may kataason nga 150 metros.May na record man nga 23 ka volcanic earthquakes sa sulod sang 24 oras.May paghubag sa gihapon sa sulod sang bulkan, may degassing kag ash emissions kag nagapabilin sa Alert Level 2 ang Bulkan Kanlaon.Ginadumilian ang pagsulod sa 4-kilometer permanent danger zone.