Gin-anunsyo sang Negros Power kag Negros Occidental Electric Cooperative nga magasaka ang ila sukot sa kuryente para sa sini nga bulan sang Agosto.
Base sa advisory sang NOCECO, masobra P15 per kilowatt hour ang ila karon nga residential electricity rates para sa August billing period, samtang masobra P14 per kilowatt hour ang iya sang Negros Power.
Ang rason sang pagsaka amo ang pagsaka sang transmission charge kag padayon nga pagsaka sang presyo sang kuryente nga ginabakal sa spot market.
Pareho nga nag-request ang NOCECO kag Negros Power sang staggered recovery scheme sa masunod nga apat tubtob lima ka bulan agud mahagan-hagan ang impact sang pagsaka sang bili sang kuryente kag indi magulpihan ang mga consumers, imbes nga itingob ang balayran sa isa lang ka bulan nga billing.
[sibwp_form id=1]