Ginkumpirmar ni Bacolod City Administrator Atty. Mark Steven Mayo nga naghatag na sila sang Notice Violation kag Show Cause Order batuk sa IPM Construction and Development Corporation nga nangin contractor sang Sanitary Landfill sa Barangay Felisa sadtong 2016 tubtob 2025.
Ini agud makahatag sila sang eksplenasyon kun ngaa wala nila ma secure ang Environmental Compliance Certificate ukon ECC antes pa nagsugod ang pagpatukod sang cell number 4.
Suno kay Mayo, apisar nga indi na sila ang contractor sa landfill sa subong, may salabton pa sila sa gihapon bangud ila pa kuntani obligasyon ang pag secure sang ECC antes nahuman ang cell number 4.
Sang nagsulod ang bag-o nga tagdumalahan sa landfill, wala pa sang land conversion ang cell number 4 rason nga indi ini ma issuehan sang ECC.
Sa ginpatigayon nga public consultation, Huwebes nga adlaw, nagpasalig ang siudad sa publiko nga ila na ginahikot ang tanan agud makuhaan na sang ECC ang amo nga cell nga sa karun naga-awas na.
Dugang pa ni Mayo, nakuha na nila ang land conversion sang cell kag may diutay nlg na dokumento nga ginahulat agud tigayon na nga makuha ang ECC.
Sang Agosto 10, ginserbehan man sang Notice of Violation sang Environmental Management Bureau Negros Island Region ang siudad bangud sa pag gamit sang cell number 4 kag cell number 5 nga wala sang ECC.
May isa pagid ka notice nga ginhatag sa siudad bangud sa natukiban nga may naga watwr discharge pakadto sa creek gikan sa landfill bangud sa ginapatihan nga leakage.
Padayon nga ginasolusyonan sang siudad ang amo nga problema sa landfill. Samtang padayon man nga ginareklamo sang mga residente sa Barangay Felisa ang baho sa landfill.
[sibwp_form id=1]