Walo ka tuig nga bata na rescue samtang nagakalumos sa Boulevard sang Dumaguete City.
Makita sa video nga kuha ni Marty Ablong nga gilayon nga na rescue sang mga responders ang walo ka tuig nga bata matapos nga madeparahan nga nagaka lumos ini sa Rizal Boulevard, Dumaguete City, Martes sang gab-i.
Suno kay Police Lt Col. Don Conag, hepe sang Dumaguete City Police Station naga swimming ang bata sang gulpi lang nagbaskog ang balod. Ginbudlayan pa ang rescuers sa pagkuha sa bata.
Gin kinahanglan pa nga mag gamit sang lubid para makuha ang bata.
Matapos ma rescue gilayon nga gindala sa ospital ang bata para mausisa ang iya kondisyon kag yara na ini sa estable nga kondisyon.
Paandam sang mga pulis sa ginikanan, bantayan ang kabataan kay may mga hinali na lang naga swimming sa area sang boulevard.
Estrikto nga ipabantayan sang LGU ang ini nga area para malikawan nga masulit ang insidente.