Romeo Subaldo

Wala nagapasilabot ang Philippine Army sa Visayas sa kun ano man ang inaway sa pulitika sa pungsod sa karon.Ini ang suno sa kay 3rd Infantry Division Spokesperson Lt. Col. J-Jay Javines.  Sa tunga sang naga gwa nga sugilanon nga may movement sa katapo sang AFP suno kay Javines wala ini sang kamatuoran.Ang army sa Visayas ang masako sa karon sa pag lubad sa problema angut sa local communist armed conflict kag sa kaso sang Negros, naga sentro karon ang operasyon sang Philippine Army sa 6th district kun sa diin may walo ka mga nabilin nga pwersa sang NPA nga napatay sa encounter sang nagligad nga semana.Wala man naga untat ang operation sang army sa Panay Island.Dugang pa ni Javines ang mga soldado nga nagapakigbahin sa pulitika ang sinang una pa kag wala na gakatabo sa karo...

Nagakaagnas na sang nasapwan ang bangkay sang walo ka tuig  nga biktima sa Sitio Omot, Barangay Santol banwa sang Binalbagan sang Sabado.Suno kay Police Major Jun Ray Batadlan, hepe sang Binalbagan PNP, Martes nga adlaw sang nadula ang biktima apang Biyernes na sang nag-report ang mga ginikanan sa PNP.Sabado nga adlaw sang nagpadulong ang mga pulis sa lugar kag nagpatigayon sang imbestigasyon.Nasapwan sang mga tanod sa katubohan ang bangkay sang biktima nga positibo naman nga ginkilala sang mga ginikanan.Suno kay Batadlan, ila gin-imbitar sa istasyon ang 14 anyos nga tiyo sang biktima kag iban pa nga himata bangud sila ang ulihi nga nakit-an nga kaupod sang biktima.Nag-ako ang tiyo nga siya ang naglabo sa iya nga hinablos nga ginahalinan sang iy...

Patay ang isa ka corporal matapos gintiro sang isa man ka upod niya nga army sa sulod sang kampo sang Charlie Company sang 15th Infantry Battalion sa Sitio Barasbarasan, Barangay Manlucahoc, Sipalay City Lunes sang gab-i.Wala nakaluwas si Corporal Arnold Sumaribus matapos nga gin-alegar matiruhan ni Sgt Charlie Labihit. Ang duha ang pareho nga naka-assign sa Charlie Company sang 15th IB.Suno kay Police Lieutenant Colonel Reynante Jomocan, hepe sang Sipalay City PNP, ululupod inum ang duha bangud nga birthday sang ila kaupod, nagbaisay sila tubtob nga nagsakitanay na.Samtang naga-pukutay, gina alegar nga nag gabot sang armas si Labihit kag gintiro ang biktima nga naigo sa iya wala nga kamot kag naglab-ot sa nawala ...

Patay ang isa ka 25-anyos matapos magsuhot sa idalom sang tanker ang iya ginadala nga motor sa national road sang Sitio Kinalumsan, Brgy. Poblacion 2 sa Sagay City Lunes sang aga.Sa imbestigasyon sang Sagay City PNP, padulong ang biktima nga si Rolando Bantillo Jr., sa iya nga gina-ubrahan sa Brgy. Poblacion 1 kag pag-abot sa lugar sang insidente gina-alegar nga nadulaan ang biktima sang control sa iya nga motor gani nagsuhot ini sa idalom sang oil tanker. Ginhingagaw pa dala ang biktima sa ospital apang gindeklarar nga dead on arrival bangud sa mga seryoso nga mga pilas nga naagum niya. Temporaryo nga gin-detain sa PNP ang driver sang tanker nga ginkilala sa kay Danilo Guillena Jr.

https://youtu.be/GA--NBkHjjI?si=z9hLYAJVbWlEgLTgIdo nga gin indian target napauli na sang tag-iya sa ila balay.  Persona nga nag-indian target sa ido nakilala naman.

Walo na tanan ka mga ginapatihan nabilin nga pwersa sang New People's Army ang napatay sa encounter nga nagluntad sa Barangay Gatuslao, banwa sang Candoni sang nagligad nga semana.Suno kay Police Major Nelson Amsiwen, hepe sang Candoni PNP matapos ang engkwentro sang Huwebes nga nagresulta sa kamatayon sang pito ka indibidwal, may nagluntad pa gid nga engkwentro pagka Biyernes nga nagresulta sa kamatayon sang  isa pa gid ka lalaki.Naglawig sang walo ka minutos ang engkwentro nga nagluntad sa tunga sang NPA kag 15th Infantry Battalion.Matapos ang ikaduha nga engkwentro, nasapwan ang isa ka bangkay kag narekober ang isa caliber .45 pistol.Sa walo ka napatay apat ang ginkilala na sang ila pamilya.

Matapos ang sinentimos nga rollback sang nagligad nga semana sa bili sang produkto petrolyo, may pagsaka na naman sa presyo buas aga.  Base sa announcement sang petroleum companies, ang gasoline magasaka sang piso kag kinse sentimos kada litro. Ang diesel naman magasaka sang piso kag diyes sentimos kada litro kag otsenta sentimos naman para sa diesel.Ang gina tudlo nga rason amo ang pagsaka na naman sang tension sa tunga sang Russia kag Ukraine.

Ginkuha na sang pamilya ni Jonel Anicito, 29-anyos, ang iya sini nga bangkay. Isa siya sa pito ka mga napatay nga katapo sang NPA sa encounter kontra sa army sa Candoni sang Hwebes sang kaagahon. Residente siya sang Purok Makilo, Barangay Camansi sa Kabankalan City.Suno kay 3rd Infantry Division Spokesperson Lieutenant Colonel J-jay Javines, bayaw sang napatay ang nagkilala kag nagkuha sa iya nga bangkay. Pensar anay sang iya pamilya nagtrabaho siya sa Manila matapos madula sa sulod sang pila na ka bulan.Samtang may isa pa gid ka nagpakilala nga pamilya nga luyag kuntani magkuha sang isa pa gid ka bangkay apang wala ginpahanugutan bangud wala sang may nauyatan nga dokumento nga nagapamatuod nga kilala niya ang napatay.Kutob sa wala makuha nga mga bangkay ang ginpalubong na kain...

Ginapaabot nga may pagsaka sa presyo sang produkto nga petrolyo sa madason nga semana suno sa kay Department of Energy Assistant Director Rodela Romero.Gina banta nga ang gasolina magasaka sang 70-90 sentimos kada litro.Ang diesel may pagsaka man sang 70 sentimos tubtob piso kada litro.Samtang sa kerosene 60-70 sentimos ang isaka sa kada litro.Ang tension sa tunga sang Russia kag Ukraine, ang oil field outage sa Norway kag ang peso depreciation kontra sa dolyar ang rason sang pagsaka sa presyo suno sa DOE.

Patay ang isa ka babaye matapos nga nautod ang lawas bangud nalapakan sang truck sa Burgos Extension, Brgy. Estefania sa Bacolod Huwebes sang kaagahon.Una nga nagbungguanay ang motorsiklo nanday Lloyd Arca kag Rexis Gallano. Ang napatay nga si Jonalyn Lamis ang naga angkas kay Gallano.Sa report sang Bacolod City Police Office-Traffic Management Unit, nag-overtake ang gina sakyan nga motor ni Lamis sa isa ka 10 wheeler.Sa pag-overtake ni Gallano sa truck, nasugata niya ang motorsiklo ni Arca kag nagbungguanay sila.Nagtabog si Lamis sa dalan nga gin agyan sang truck gani nalapakan siya.Pilason naman ang driver sang duha ka mga motorsiklo.