https://youtu.be/MKLkcZ4cjS8?si=wpD3TVVBf82dKD3EAng epekto sang ash fall sa pananum ang labing gina kabalak-an sa karon sang mga residente nga nagapuyo malapit sa bulkan. Pati turismo liwat nga apektado.
Na-intercept sang Philippine Drug Enforcement Agency Regional Office VI - Seaport Inter-Agency Drug Interdiction Task Group ang ₱1.68 million nga balor sang marijuana, kush kag marijuana oil sa BREDCO port sa reclamation area sa Bacolod sang nagligad nga semana.Suno sa kay Ma. Graziella Tanaleon ang spokesperson sang PDEA 6, ginpadala ang mga kontrabando paagi sa isa ka courier nga nadiskubrehan sang PDEA kun ano ang unod sang package.Naga unod ini sang 14 ka mga bricks sang mga laya nga dahon sang marijuana nga may kabug-aton nga 14 ka kilo.Narekober man ang duha ka mga vacuum-sealed plastic bags nga may unod nga kush nga isa ka sahi sang hybrid nga marijuana nga yara sa 8 grams ang kabug-aton.Dugang pa sina, may 20 ka mga disposable vapes man ang nakuha nga gina-ale...
May pagdumot ang mga suspek sa mag-asawa nga sanday Diomedes kag Vivencia Maribong, 50 kag 56 anyos. Away sa duta ang gina lantaw nga rason sa patay sa ila.Ini ang suno kay Police Major Nelson Amiswen, hepe sang La Castellana PNP.May alegasyon man nga ang amo man nga mga suspek ang naga pangawat sang mga pananum sang mag asawa.Ang mga biktima nga nagkalamatay bangud sang labo kag pagtiro sadtong Disyembre 5 sa may Sitio Binalbagan, Brgy. Masulog banwa sang La Castellana.Nakaluwas naman ang ila bata nga si Robelyn.Subong nga adlaw ipasaka ang kaso nga murder kag frustrated murder batuk sa tatlo tanan ka mga suspek.
May rollback nga gina paabot sa presyo sang diesel sa salapi tubtob 70 sentimos kada litro. Ini sa ginpahayag sang Unioil Petroleum Philippines sang Sabado.Pero ang presyo sang kada litro sang gasolina ang magasaka sa diyes tubtob trenta sentimos kada litro.Ang kerosene ang gina paabot naman nga maga barato sa 40 tubtob sisenta sentimos sa kada litro.
Gintiro sang isa ka amay ang iya duha ka nga kabataan nga babaye sa Barangay Buntis, Bacong, Negros Oriental, Hwebes sang aga.Sa inisyal nga imbestigasyon sang pulis, lima kag tatlo katuig ang mga bata nga nasapwan nga duguon gani ginhingagaw dala sa ospital.Gindeklarar nga dead on arrival ang isa samtang ang isa naman ang napatay sa intensive care unit suno sa kay Police Lt. Stephen Polinar, spokesperson sang Negros Oriental Police Provincial Office.Suno sa PNP nag inaway ang mag asawa antes natabo ang insidente. Una nga gintiro sang amay nga isa ka security guard ang iya misis pero nakapalagyo ini.Ginsunod niya naman ang mga kabataan nila kag ang iya kaugalingon.Ginsiling sang mga barangay official nga may gin issue na sila nga barangay protection order batuk sa su...
Isa ka modern jeepney ang natumba sa may boundary sang Silay kag Talisay City Hwbes sang aga.Sa inisyal nga impormasyon gikan sa DRRMO sang Talisay City, naglupok ang goma sang modern jeepney gani natumba ini.Bag-o lang dul-ong sa ila mga pasahero ang modern jeepney nga naga biyahe Manadalagan-Libertad matapos nga gin okupar kag pabalik na kuntani sa Bacolod sang natabo ang insidente.Gilayon naman nagresponde ang Talisay DRRMO kag gin-usisa ang driver kag iya konduktor.Wala naman sila nag angkon sang pilas sa lawas.
Sang kahapon, Miyerkules, naka record sang duha ka mga pagbuga sang abo ang bulkan Kanlaon base sa monitoring sang Philippine Institute of Volcanology and Seismology ukon PHIVOLCS.Naglawig ini sang 40 minutos. Subong nga adlaw may duha man ka mga pagbuga sang abo nga nagluntad.Base man sa monitoring may anum tanan ka mga volcanic earthquakes nga nagluntad kag yara sa 4,286 ka tonelada ang sulfur dioxide nga ginbuga sang bulkan kahapon.Nagataas sang 500 meters ang steam sang bulkan nga kun kis-a may upod nga abo.Nagapabilin sa gihapon sa Alert Level 2 ang bulkan.Buot silingon indi sa gihapon pwede makasulod sa 4 km permanent danger zone.
Sa monitoring sang Philippine Institute of Volcanology and Seismology, may lima tanan ka mga pagbuga sang abo ang bulkan Kanlaon sang kahapon nga adlaw kag kaina sang aga liwat na naman ini nagbuga sang abo. Siyam tubtob 38 minutos ang ginlawig sang mga pagbuga sang abo sang bulkan.May siyam naman ka mga pagtay-og sa Kanlaon kag naglab-ot sa 6,432 ka tonelada sang sulfur dioxide ang ginbuga sang bulkan.Yara sa 500 metros ang kataason sang ginabuga nga steam kag abo sang Kanlaon. Nagapabilin ini sa Alert level 2, buot silingon indi pwede makasulod sa 4 km permanent danger zone.
Nagaguwa sa imbestigasyon sang Escalante City PNP nga bangud sa iligal nga droga ginpatay ang top 1 drug personality nga si Edgar Cara-at sa Sitio Napungalan 2, Brgy. Jonobjonob sang Lunes. Suno sa kay Police Lieutenant Colonel Albert Sy ang hepe sang Escalante City PNP, nagakuha sila sang dugang nga nga mga impormasyon gikan sa pamilya sang biktima. Ini para matumod ang nga armado nga nagpatay sa ila. Dugang pa sang pulis, ang transaction sa iligal nga droga sang biktima ang nagalab-ot pa sa first kag second district kag ginakabig siya nga dako nga supplier sang iligal nga droga. Sang Lunes sang ginsulod sang mga armado ang biktima sa iya nga balay kag gintiro nga gintunaan sang iya kamatayon.
