Romeo Subaldo

Nakuhaan sang CCTV video ining pag paniplang sang wala makilal-an nga lalaki nga nagtanyag sang relo sa tag-iya sang kalan-an sa Barangay Tangub sa Bacolod.Suno sa 47 anyos nga biktima, modus sang suspek nga naka-sakay sa SUV nga magpakuno-kuno nga nawad-an sang gasolina para mabaligya ang peke nga relo sa tag-P3,000.Tungod nagpakita pa sang resibo sa ginabaligya nga relo, na-enganyo ang biktima nga baklon ini sa balor nga P2,000.Ulihi niya na lang natalupangdan nga peke kag yara lang sa P700 ang amo nga relo.Indi lang sa Bacolod nagalibot para maka paniplang ang wala pa makilal-an nga lalaki.Sang Miyerkules, nakuhaan siya sang litrato nga nagabaligya sang pareho gihapon nga peke nga relo sa mga crew sang barko sa San Jose, Negros Oriental.Gilayon na nga nagpa...

Sa weather advisory sang PAGASA posible ang ulan kag panaguob sa Visayas lakip na ang isla sang Negros bangud sang shearline.Ang shearline amo ang pagtabu-ay sang matugnaw nga hangin nga amo ang Amihan kag ang mainit nga hangin nga amo ang easterlies.Sa Luzon nagaka batyagan ang hangin nga amihan kag sa Mindanao naman ang easterlies.Bangud ang shearline gin-ulan ang pila ka bahin sang Negros lakip na ang Bacolod City sang aga kag sang hapon.Suno sa PAGASA bisan wala sang LPA ukon bagyo, ang shearline magadala sang ulan sa Visayas samtang naga amat amat na hinay ang hangin nga Amihan sa subong.

Sa record sang City Veterinary Office sang Bais City, lima tanan ka mga dolphin ang nagkalamatay sa Sitio Pambutan, Brgy Canlargo, Bais City, Negros Oriental matapos nga ma-trap sa nabaw nga bahin sang mangrove area.Suno kay Dr. Melanie Pescadilla, Veterinarian sang siudad, sa lima, apat ang ginpidalom sa post mortem examination.Una nga nakita ang 17 tanan ka mga dolphins sa bahin sang Tanjay City sang high tide apang sila ang naabtan sang low tide samtang nagalangoy padulong sa Bais City suno sa PNP.Gindala pa sang rescuers ang mga dolphins padulong sa madalom nga bahin sang tubig.Ginpaidalom sa necropsy ang dolphins agud mahibaluan ang kabangdanan sang ila kamatayon kag gina hulat na lang karon ang resulta. Wala na sila makita sa amo nga area.

Bacolod PNP Director Police Col. Joeresty Coronica ang nagpahayag nga bangag ang suspek nga nagpukpok sang bato sa tricycle driver nga napatay sa Barangay Mansilingan.Ginpasakaan na sang kaso nga robbery with homicide si Alyas Almer nga ginatudlo responsable sa pagpukpok sang bato sa ulo sang tricycle driver nga napatay sang Lunes.Ginsiling ni Coronica, nag gwa sa imbestigasyon nga yara sa impluwensya sang iligal nga droga ang suspek sang nabuhat ang krimen.Nag-gwa sa imbestigasyon sang katapo sang Police Station 7 nga nagpakuno-kuno nga pasahero ang suspek nga nagsakay sa ginamaneho nga tricycle sang biktima nga si Edmund Tolosa.Sang makalab-ot na sila sa madulom nga bahin sang Bacolod Negros Occidental Economic Highway sakop sang Brgy Mansilingan, didto na kag ginhimo ...

Ginsikop ang tatlo tanan ka mga lalaki nga naga hampang sang billiards sang Martes sang kaagahon sa Brgy. Tamisu sa Bais City, Negros Oriental.Natukiban sang mga pulis nga may pustahanay na sa hinampang.Ginkilala ang mga nadakpan bilang alias Eduardo, alias Antonio, kag alias Rhoy.Sa pag aresto sa ila, natukiban nga may bitbit nga homemade black widow nga pusil nga loadad sang lima ka bala sang .22 caliber si Eduardo nga isa pa gid ka bayolasyon sang COMELECGun Ban. Ginpang dala sila sa Bais City PNP.

Ang hangin Amihan ang nagadala sang matugnaw nga dapya sang hangin sa Luzon kag Visayas amo kun ngaa diri sa Negros mabatyagan ang mabugnaw nga hangin.Ang easterlies naman ukon ang mainit nga hangin gikan sa Pacific Ocean ang mabatyagan sa Mindanao.Kag bangud sang pagtabo sang easterlies kag amihan naga resulta ini sashearline nga amo ang nagadala sang panganod nga may upod nga ulan.Ang Eastern Visayas ang makabatyag sang epekto sang shearline nga ang pagbubo sang ulan.Wala sang low pressure area ukon bagyo sa sulod kag sa gwa sang Philippine Area of Responsibility pero posible sa gihapon ang pagbubo sang ulan dala sang localized thunderstorms sa Negros ukon ang pagbubo sang ulan sa sulod sang tunga tubtob isa ka oras nga masami kun gab-i ukon kaagahon.

Liwat nga nagpagwa sang advisory ang Philippine Coast Guard las kwatro sang kaagahon nga naga untat anay sang biyahe sang roro vessel halin sa San Carlos City padulong sa Toledo City sa Cebu.Ini bangud sang dalagko nga balud sa baybayon dala sang shearline.Gani may 107 ka mga pasahero ang na-stranded kaina sang kaagahon sa puerto.Ginsapupo sang Terminal Management Office sang San Carlos ang mga pasahero kag ang Philippine Ports Authority ang nagpanagtag sang sopas sa ila.Kahapon sang hapon nagpagwa man sang kasubong nga advisory ang Coast Guard gani may kapin sa 80 man ka pasahero ang na-stranded.Wala sang bagyo ukon low pressure area pero ang pagtabo sang hangin amihan kag easterlies ang naga tuga sang shearline nga amo ang man ang naga tuga sang maulanon nga panahon...

Arestado ang nagpa kuno-kuno nga katapo sang Crime Investigation and Detection Group ukon CIDG nga sanday alias Lemuel kag alias Dekralphs sa isa ka ilimnan sa Goldenfields Commercial Complex sa Barangay Singcang-Airport sa Bacolod, Lunes sang kaagahon.Suno kay Police Captain Greeky Cayao, Station Commander sang Police Station 8, naga-inom ang duha kaupod ang duha man ka mga gina-table nga mga babaye.Sang wala sang inugbayad sa ila bill nga ₱3,500, nagpakilala na ang duha bilang katapo sang CIDG.Nagpagwa sila sang pusil nga sang ulihi natukiban nga hampanganan lang man.Ginpulihan sila sang iban nga customer gani wala sila makapalagyo.Detained sila sa karon sa Police Station 8 kag maga pangatubang sang kaso nga grave threat, usurpation of authority kag paglapas sa COM...

Sa may mangrove area sa Sitio Pambutan, Barangay Canlargo sa Bais City, Negros Oriental nasapwan ang patay nga mga dolphin Domingo sang hapon.Ang duha ka mga lawas ang na recover na samtang ang isa ang wala pa. May tatlo pa gid ka mga pilason man nga dolphins nga may pilas sa ila nga lawas nga nakit-an.Sa report sang Bais City Police Station, nakibot na lang ang mga residente sa ila nga nakit-an ang patay nga dolphins kahapon. May ara pa gid nga nakit-an nga mga buhi nga dolphins nga yara lang malapit sa lugar kun diin nasapwan ang mga patay.Suno sa otoridad ini mga pantropical spotted dolphins nga masami makit-an sa Tañon Strait kun sa diin naga atubangang ang Bais City.Ang Tañon Strait amo ang pinakamalapad nga protected seascape sa Pilipinas kag makit-an ...

Sa video nga kuha ni Hellboy firevlogger makita ng naga puog nga aso gikan sa partially damaged nga bodega sa nagluntad nga sunog sa Barangay 27 sa Lopez Jaena Street sa Bacolod pasado las onse Lunes sang aga.Ang bodega ang may unod nga mga galunan sang tubig kag  hardware supplies. Ginarentahan ini sang Shining Seas Purified Drinking Water.Suno kay Edison Ledesma, isa sa mga nagapanag-iya sang amo nga propiedad, sa likod nga bahin sang bodega nagsugod ang kalayo kag wala sang tawo sang natabo ang insidente.Gilayon nga nag responde ang mga bombero sa area nga katupad lang sang gasolinahan.Nagdangat sa ₱825,000 ang halit sang kalayo base a report sang Bureau of Fire Protection.Sa karun padayon ang imbestigasyon sang BFP kun ano ang ginhalinan sang kalayo. Wala naman...