Romeo Subaldo

Isa sa mga requirements sa kada may drug operation ang otoridad amo nga dapat may katapo sang media nga magaserbe bilang witness sa kaso. Ugaling masami ang media ang indi man saksi sa bilog nga operation kag ginapatawag pa sa korte kun gina patigayon na ang hearing batuk sa drug suspect.Indi maka trabaho ang isa ka media practitioner kun may scheduled siya nga hearing. Nahangpan ni ACT-CIS Representative Erwin Tulfo nga isa man ka anay katapo sang media ang kabudlayan sang reporters kun ginapa attend sa hearing gani isa siya sa mga nagaduso nga dulaon na ini.Isa pa gid sa ginaduso niya amo ang Magna Carta for Media Practitioners ukon dugang nga benepisyo para sa katapo sang media.Si Tulfo nga naga papili man subong bilang senador ang gin imbitar ni Victorias City Mayor Javi Be...

Motorcycle rider wala makaluwas matapos nga mag bungguanay ang duha ka motorsiklo.Patay si Marjon Mollero, samtang pilason naman si Anna Makac sang nagbunggoanay ang ila ginadala nga motorsiklo sa Brgy. Oringao sa Kabankalan, Lunes sang hapon.Sa imbistigasyon sang Kabankalan PNP, nagapadalagan sang motor sa inner lane ang babaye nga motorcycle rider sang nabungguan niya si Mollero nga nagliko pawala gikan sa outer lane gani nagkalatumba sila nga duha.Bangud sang mga pilas nga naangkon sang duha, ginhingagaw sila dala sa hospital apang gindeklarar nga dead on arrival si Mollero.Suno sa PNP may yara na sang inisyal nga pag-istoryahanay ang duha ka mga partido.

Ginsuguran na ang dry run sang bag-o nga green route ukon rota sang electronic jeep ukon e-jeep halin sa Bacolod City Government Center pakadto sa Ayala Malls Capitol Central.Adlaw-adlaw nga naga libot ang duna ka mga e-jeep halin las diyes sang aga tubtob las diyes sang gab-i tubtob Pebrero 16.Duha ka mga e-jeep nga gina panag-iyahan ang siudad sang Bacolod ang naga tanyag sang libre nga sakay sa mga pasahero.Pinaagi sini mahibaluan kun bala may yara gid man sang pasahero nga nakabenepisyo sa sini nga rota.Nagalabay ang mga e-jeep halin sa BCGC pakadto sa Circumferential Road, pa-wala sa CL Montelibano Drive lusot sa 6th Street, pa-tuo sa Lacson Street kag pa-wala sa North Capitol Road diretso sa Ayala Malls Capitol Central.

Mga festivals sa bilog nga pungsod nga naga gamit sang suga magapasundayag sa ILOmination streetdance competition sang Dinagyang Festival 2025 kabahin na diri ang Bailes de Luces sang La Castellana.Isa sa mga ginabantayan sa Dinagyang Festial sang Iloilo amo ang ILOmination Streetdance Competition and Floats Parade of Lights.Ang Bailes de Luces sang La Castellana ang nagpasakop man diri kag nag biyahe na ang dancers padulong sa Iloilo City kaina.Iban nga mga festivals nga maga pasakop amo ang Puvvurulun Affi Festival sang Tuguegarao City, Cagayan, Tanglawan Festival sang San Jose del Monte, Bulacan kag Pandang Gitab Festival sang Oriental Mindoro.Ini na ang ikatatlo na nga tuig nga ginahiwat ang ILOmination Streetdance Competition nga gina pakibahinan sang mga tribu kag Flo...

Isa ka tourism student ang patay samtang ang iya kaupod nga naga dala sang motor ang pilason sang mabunggo sila sa isa ka prime mover truck sa intersection sang Bacolod-Silay Airport Road sa Brgy. Bagtic sa Silay City sang Biyernes.Ang napatay ginkilala kay Carol Cristine Canoy isa ka BS Tourism student kag residente sang Brgy. San Isidro, E.B. Magalona.Ginkilala naman kay “Joe”, 21 anyos ang naga dala sang motor sang Brgy. Hawaiian, Silay City. Pilason naman siya. Ang driver sang truck ginkialala lamang kay alias “Celso”.Sa imbestigasyon ang PNP, ang motor ang gikan sa airport samtang ang truck halin sa EB Magalona pa Bacolod sang magbungguanay sila sa intersection sang dalan. Patay na pag abot sa osiptal si Carol kag si “Celso” ang temporaryo nga gin detain sang Sil...

Nagdangat sa napulo ka tawo ang pilason sang mabungo ang isa ka tricycle sa isa ka delivery van sa Guihulngan City, Negros Oriental, sang Biyernes.Suno sa kay Lt. Stephen Polinar, spokesperson sang Negros Oriental Police Provincial Office, ang injured amo ang tricycle driver kag iya siyam ka pasahero nga naga lakip sang anum ka estudyante, isa ka apat ka tuig nga bata, kag duha ka mga trabahador nga gin hingagaw dala sa ospital.Sa pagpangusisa sang PNP, ang tricycle ang halin sa Barangay Hibaiyo padulong sa city proper. Hana ini kuntani mag overtake sa isa pa gid ka tricycle sang mabunggo sa Hino refrigerated delivery van.Wala naman masamaran ang driver sang van.

Wala sang low pressure area ukon bagyo sa sulod kag sa gwa sang Philippine Area of Responsibility.Magamay ang tsansa nga may maka sulod nga bagyo sa Pilipinas sini nga semana base sa monitoring sang PAGASA. Ang hangin Amihan ang naga apekto sa Northern kag Central Luzon samtang Easterlies naman ukon ang mainit nga hangin gikan sa Pacific Ocean ang naga apekto sa Visayas kag Mindanao. Mangin mainit ang panahon sa Visayas lakip na sa Negros Island Region pero posible ang lapta-lapta nga pag-ulan kag  panaguob dala sang localized thunderstorm.

Ginausisa sa karon sang Talisay PNP, ang nobyo ni Carl Kimberlyn Degabi angut sa iya kamatayon. Suno kay Police Major Rhazl Jim Jocson, Deputy Chief of Police sang Talisay PNP, naga buligay sila sang Bacolod City Police Office agud makakuha sang mga impormasyon kun sa diin ulihi nakita si Kimberlyn antes ini nasapwan nga patay sa higad sang dalan sa Barangay Matab-ang sa Talisay City.Sa panaysayon sang nobyo ni Kimberlyn, nag gikan sila sa isa ka ilimnan kaupod ang mga abyan. Una nga nag-angkas ang biktima sa iya nga motor pero nagsaylo ini sang salakyan sa pagpapauli.Nakakuha man ng PNP sang CCTV footage nga ang duha ang naga angkasanay sa motor.Dugang pa ni Jocson, naga kooperar man sa ila ang nobyo sang biktima, kag sa kada pag patawag sa iya nagakadto man siya sa Talisay PN...

Sa ikatlo nga semana may saka na naman liwat sa presyo sang produkto petrolyo.Suno sa Department of Energy Oil Industry Management Bureau Assistant Director Rodela Romero, kun i-base sa 4 ka adlaw nga trading may dalagko nga saka sa bili sang produkto petrolyo sa madason nga Martes.P1.35 tubtob P1.60 sa kada litro ang gasolina, P2.30 tubtob P2.60 sa diesel kag P2.30 tubtob P2.50 sa kerosene.

Patay ang isa ka tricycle driver nga si Edmund Bercinilla kag pilason ang pasahero niya matapos nga mapilpilan sang truck nga may karga nga tubo sa diversion road, Hacienda Leonor, Brgy. Paraiso sa Sagay City sang kagab-i.Suno sa kay Police Lieutenant Colonel Alvimar Flores ang hepe sang Sagay City PNP, naga pagwa ang isa ka truck nga may karga nga tubo padulong sa national road sang naglabay ang isa ka wing van nga halin sa Cadiz pa Sagay.Nakita sang driver sang wing van ang truck kag hana na ini nga magpondo ugaling nalab-ot niya ang truck. May natabuan pa gid nga naglabay man nga isa ka prime mover nga may karga nga tubo kag naigo man sini ang nag bungguanay na nga mga truck. Natumba ang prime mover kag napilpilan ang naglabay lang man kuntani nga tricycle.Pilason man ang dr...