Romeo Subaldo

Feb42025 by Romeo SubaldoNo Comments

Sunog nagluntad sa residential area sa Barangay 5 sa Talisay City

Sunog nagluntad sa residential area sa Barangay 5 sa Talisay City.Masobra sa 40 ka mga balay ang nagkalasunog.Sa video nga kuha ni Glenn Almonia makita ang madamol nga itom nga aso gikan sa Purok Pasil, Barangay Zone 5 sa Talisay City sini lang nga hapon.Ang mga residente nagpanawagan online para sa dugang nga bulig bangud malapad ang area ang ginlamon sang kalayo.Naga inikit-ikit lang ang mga balay sa lugar kag kalabanan sa mga balay himo sa mga bagay nga madasig masunog.Makita sa video nga may bombero pa nga naga latag sang hose kag naga lakat pasulod sa area bangud tuman ka gamay sang alagyan kag indi maka igo ang firetrucks sa dalan.Ang mga pumuluyo naga kinarankaran kag naga tinguha nga masalbar ang pwede pa masalbar nga mga pagkabutang.Sa drone shot naman...

Feb42025 by Romeo SubaldoNo Comments

Bag-o nga commander sang 3rd ID sang army gina handaan na ang nagahilapit nga piniliay

Balita Hiligaynon

Si Brigadier General Michael Samson ang nagbulos kay Major General Marion Sison bilang bag-o nga commander sang 3rd Infantry Division.Suno kay Samson, magluwas sa paglagas sang mga militar sa nabilin nga katapo sang New People's Army, ila sa gihapon nga hayluhon ang mga rebelde nga magbalik sa sabak sang gobyerno.Suno pa kay Samson gina preparahan na sang militar ang 2025 Midterm Elections.Dugang pa niya, wala labot sa security concerns, handa sa gihapon ang katapo sang army nga mag responde sa tiun sang emerhensya, kalamidad pati na ang threat nga dala sang aktibidad sang bulkan Kanlaon.

Feb42025 by Romeo SubaldoNo Comments

Bag-o nga ospital sa Victorias City gin-inagurahan

Balita Hiligaynon

Gin-inagurahan na ang Abelardo and Remedios Bantug Memorial Hospital sa Victorias City kahapon, Lunes.Ginakabig ini nga panibag-o nga milestone sang siudad sang Victorias sa paghatag sang dekalidad nga serbisyo sa ikaayong lawas sang mga Victoriasanon.Ini ang ginatawag sadto bilang Immaculate Concepcion Health Center kag gina manage sang Kaayong Lawas Foundation.Ginpangunahan ni Victorias City Mayor Javi Benitez kag government officials ang inagurasyon. Yara man ang iya amay nga si Bacolod City Mayor Albee Benitez.May 25 bed capacity ang ospital nga may emergency room, laboratory, x-ray, ultrasound, ECG kag iban pa.

Feb42025 by Romeo SubaldoNo Comments

Masobra piso ang rollback sa presyo sang diesel subong nga adlaw

Balita Hiligaynon

Nagmahal sang 70 sentimos ang kada litro sang gasoline subong nga adlaw. Pero ang kerosene ang nag barato sang nubenta sentimos kada litro.Amo man ang diesel nga damlag pa sunod-sunod ang pagsaka sang presyo ang subong nagpanaog ang bili sang piso kag 15 sentimos kada litro.Ang average price sa karon sang diesel ang nagahamboy sa 56 tubtob 57 pesos kada litro samtang ang gasoline naman naga average sang 60 tubtob 62 pesos ang litro sa Bacolod City.

Feb22025 by Romeo SubaldoNo Comments

P180M Manapla port to open soon, offers fastest ro-ro route to Iloilo

Duha ka Criminology student patay matapos mabunggo ang ila motor sa naga park nga truck sa Himamaylan City

Balita Hiligaynon

Patay sanday alias John, 21-anyos kag amo ang nagadala sang motor kag ang iya angkas nga si alias Jasper lunsay mga criminology student matapos makabunggo ang ila ginasakyan nga motor sa truck nga naga parking sa higad sang National Road, Hacienda Silos, Brgy. Talaban Himamaylan City sang Hwebes sang gab-i.Sa inisyal nga imbestigasyon sang Himamaylan City PNP, gikan sa poblacion ang motorsiklo padulong sa Binalbagan sang hinali na lang ini nga nakabunggo sa naaberya nga truck sa higad sang dalan.Nag-agum sang seryoso nga mga samad sa lawas ang duha kag pag-abot sa ospital gindeklarar sila nga dead on arrival.Nagsungka man sa kapulisan ang driver sang truck.

Jan312025 by Romeo SubaldoNo Comments

Babaye nga barker patay sa pagpaniro sa Brgy. 3 sa Bacolod

Balita Hiligaynon

Las 3:30 kaina sang kaagahon sang gintiro ang barker nga si Mary Jane Co, 39-anyos sa atubang sang isa ka tiangge sa Purok Lubi, Brgy. 3 sa Bacolod City.Suno kay Police Major Eugene Tolentino, Station Commander sang PS2, gin-ako sang live-in partner sang biktima nga nagagamit sang iligal nga droga si Co kag ginklaro man sini nga indi nila asset ang biktima.Nagbakal sang sigarilyo ang biktima sang ginpalapitan sang isa ka lalaki kag gintiro.Igo sang bala sa dughan kag ulo ang posible ginkamatay sang biktima.Dugang pa ni Tolentino, wala sang record sa Police Station 2 ang biktima.Suno pa sa PNP posible nga nasal-an nga asset sang kapulisan ukon may gin utangan sang iligal ng droga ang biktima.

Jan312025 by Romeo SubaldoNo Comments

Isa ka dolphin nasapwan patay sa Dumaguete City

Balita Hiligaynon

May isa na naman ka spinner dolphin ang nasapwan nga patay sa higad sang baybayon sang Barangay Piapi sa Dumaguete City kaina sang aga. Gilayon nga ginpahibalo sang katapo sang Bantay Dagat ang natungdan nga mga ahensya sang gobyerno matapos makita sa higad sang baybay ang amo nga dolphin.Antes sini may lima na tanan ka mga patay man nga dolphins ang nasapwan sa Bais City sa Negros Oriental. Ginahulat pa ang resulta sa necropsy nga ginpatigayon diri para matumod kun ano ang ginkamatay nila. Isa sa mga ginalantaw nga rason amo ang blasting ukon ang pagpalupok sang explosives sa dagat.

Jan302025 by Romeo SubaldoNo Comments

Canlaon LGU ginpanginwala nga arbitrary detention ang ginahimo sa mga evacuees sa siudad

Balita Hiligaynon

Sa pihak sang mga akusasyon nga isa ka kaso sang arbitrary detention ang ginahimo sang lokal nga panguluhan sang Canlaon City sa mga evacuees nga wala gina tugutan nga makapauli sa ila nga balay kag ginapatinir sa evacuation center, nagpagwa sang statement ang LGU.Paathag sang LGU, nagapabilin nga yara sa idalom sang Alert Level 3 ang bulkan Kanlaon kag kutob sa mga residente nga yara sa sulod sang 6 kilometer nga danger zone ang ginpa evacuate bangud ini ang mando sang Office of the Civil Defense.Ang ini nga mando ang naka base man sa rekomendasyon ang Philippine Institute of Volcanology and Seismology.Sa statement ginsiling man sang LGU nga responsibilidad sang LGU nga pangapinan ng kabuhi sang ila nga mga pumuluyo.Paathag nila, ang evacuation ang temporaryo lang kag ini...

Jan302025 by Romeo SubaldoNo Comments

Business tycoon nga si Hans Sy ang gindeklarar bilang adopted son sang Bacolod kag honorary mayor sang siudad

Balita Hiligaynon

Yari sa Bacolod ang Chairman sang Executive Committee sang SM Prime Holdings, Inc nga si Hans Sy Hwebes sang hapon bangud gindeklarar siya sang Sangguniang Panlungsod sang Bacolod bilang adopted son sang Bacolod kag honorary mayor sang siudad.Ginakilala sang siudad ang mga nahimuan ni Sy sa pagbulig sa disaster resiliency, edukasyon kag health initiatives nga naka bulig indi lang sa Bacolod kundi pati man sa bilog nga pungsod.Nag switch sang pwesto si Sy kag si Mayor Albee Benitez.Si Sy ang gintagaan kahigayunan nga magpungko sa pwesto sang alkalde.Kaupod niya sa pag-abot sa Bacolod ang duha niya ka mga kabataan.Kada tuig, pinaagi sa Bacolaodiat Festival, may mga Filipino-Chinese nga ginakilala ang siudad bilang adopted son kag honorary mayor - mga indibidwal nga may d...