
Sa may mangrove area sa Sitio Pambutan, Barangay Canlargo sa Bais City, Negros Oriental nasapwan ang patay nga mga dolphin Domingo sang hapon.
Ang duha ka mga lawas ang na recover na samtang ang isa ang wala pa. May tatlo pa gid ka mga pilason man nga dolphins nga may pilas sa ila nga lawas nga nakit-an.
Sa report sang Bais City Police Station, nakibot na lang ang mga residente sa ila nga nakit-an ang patay nga dolphins kahapon.
May ara pa gid nga nakit-an nga mga buhi nga dolphins nga yara lang malapit sa lugar kun diin nasapwan ang mga patay.
Suno sa otoridad ini mga pantropical spotted dolphins nga masami makit-an sa Tañon Strait kun sa diin naga atubangang ang Bais City.
Ang Tañon Strait amo ang pinakamalapad nga protected seascape sa Pilipinas kag makit-an sa Visayas Region.
Duha sa napatay nga dolphins mga babaye kag gina bulubanta nga nagabug-at sang 75 kilos.
Gilayon nga ginpalubong ang patay ga dolphins kag ginbulong naman ang pilason.
Ginausisa pa sang PNP kun ano ang kabangdanan sang pagkapatay sang tatlo kag kun bala may mga persona nga naghimo sini sa ila.
Kun mapamatud-an ini, ang may kahimuan sang krimen ang mahimo mabilanggo kag mamultahan.