Shadow

Wala sang LPA ukon bagyo pero ang shearline magadala sang ulan sa Visayas

Sa weather advisory sang PAGASA posible ang ulan kag panaguob sa Visayas lakip na ang isla sang Negros bangud sang shearline.

Ang shearline amo ang pagtabu-ay sang matugnaw nga hangin nga amo ang Amihan kag ang mainit nga hangin nga amo ang easterlies.

Sa Luzon nagaka batyagan ang hangin nga amihan kag sa Mindanao naman ang easterlies.

Bangud ang shearline gin-ulan ang pila ka bahin sang Negros lakip na ang Bacolod City sang aga kag sang hapon.

Suno sa PAGASA bisan wala sang LPA ukon bagyo, ang shearline magadala sang ulan sa Visayas samtang naga amat amat na hinay ang hangin nga Amihan sa subong.

Secured By miniOrangeSecured By miniOrange