Shadow

Tag-iya sang kalan-an nabiktima sang scammer nga nagabaligya sang peke nga relo, suspek naka SUV pa

Nakuhaan sang CCTV video ining pag paniplang sang wala makilal-an nga lalaki nga nagtanyag sang relo sa tag-iya sang kalan-an sa Barangay Tangub sa Bacolod.

Suno sa 47 anyos nga biktima, modus sang suspek nga naka-sakay sa SUV nga magpakuno-kuno nga nawad-an sang gasolina para mabaligya ang peke nga relo sa tag-P3,000.

Tungod nagpakita pa sang resibo sa ginabaligya nga relo, na-enganyo ang biktima nga baklon ini sa balor nga P2,000.

Ulihi niya na lang natalupangdan nga peke kag yara lang sa P700 ang amo nga relo.

Indi lang sa Bacolod nagalibot para maka paniplang ang wala pa makilal-an nga lalaki.

Sang Miyerkules, nakuhaan siya sang litrato nga nagabaligya sang pareho gihapon nga peke nga relo sa mga crew sang barko sa San Jose, Negros Oriental.

Gilayon na nga nagpa-alinton ang biktima sa kapulisan sa tuyo nga madakpan kag matapna na ang modus sang amo nga persona.

Secured By miniOrangeSecured By miniOrange