Ginsuguran na ang pagpangita sang talentado nga Negrense para sa Negros Got Talent!Ang audition ginsuguran na kaina sa northern Negros.Aton saksihan sa sini nga report.
Patay ang isa ka planter sang tubo kag pilason ang iya nga kaupod matapos nga gintiro sang wala makilala nga persona Martes sang hapon sa Sitio Sulbod, Barangay Santol sa Binalbagan.Ginkilala ang napatay nga planter nga si alias Rey, kag si alias Edgar naman ang pilason.Sa inisyal nga imbestigasyon sang PNP gina hawanan sang biktima ang alagyan sang truck sang may nagtiro sa iya. Igo sang bala sa ulo kag butkon ang ginkamatay ni Rey samtang pilas sa paa ang na agom sang iya nga kaupod.https://www.youtube.com/watch?v=mjyxI0H8QNkSa statement nga ginpagwa sang Romeo Nanta Command sang NPA, ila gina alegar nga si Rey isa ka intel sang army sa lugar. Ginatudlo man siya ang mga rebelde nga nagtukod sang intel network sa area. Ila na siya naistorya sadto apang nag sige siya sa g...
Gatas nga gina produce sang local farmers sa Negros ginhimo nga cheese kag ginmarket sa mga resorts, hotels kag pastry shops.May report si Romeo Subaldo.https://youtu.be/kPjVMvNXQAM?si=xGK0dyKuXtEF1Rz2
Sa Good Vibes, trending sa social media ang picture sang hinuptanan nga ido nga ginsuksukan sang “do it yourself nga raincoat”.Ginkalingaw sang netizens ang litrato sang isa ka hinuptanan nga ido nga nakasuksok sang do-it-yourself nga raincoat sa Libertad Public Market sa siudad sang Bacolod.Ang ido nga si "Diego," hinuptanan sang isa ka fruit vendor sa Libertad Market.Makita sa litrato nga himo ang raincoat ni Diego sa plastic bag kun sa diin nakaputos ang iya sini nga lawas agud indi matugnawan kag mabasa sang ulan.Bangud sini pila naman ka netizens ang naham-ot kay Diego kag sa ginhimo sang iya furparent.Kilala si Diego sa Libertad Market bangud masami ini siya nga kaupod sang iya nga owner nga nagabaligya sang prutas.
Ang pagkuga ang nagresulta sa kamatayon sang menor de edad. Ini ang nagwa nga resulta sa post mortem examination sa 11-anyos nga bata nga lalaki nga ginlubong sa higad sang baybay sa Brgy. Tiling sa Cauayan.Lunes sang gin-report sang iloy nga missing ang anak niya nga si Jacon Gerota, Lunes nakutkutan ang iya lawas nga nalubong sa balas kun sa diin siya masami nagahampang.Suno sa Cauayan PNP kun ibase pa gid sa resulta sang post mortem examination, may pilas kag lagub sa buli ang biktima nga posible ginsudlan sang matig-a nga bagay kag wala naman ini sang iban pa nga pilas sa lawas.Nagapadayon ang imbestigasyon sang PNP sa sini nga kaso.*
Wala sang low pressure area ukon bagyo sa sulod kag sa gwa sang Philippine Area of Responsibility.Pero may shearline nga amo ang nagapaulan.Ang amihan ukon ang matugnaw nga hangin liwat mabatyagan sa northern kag central Luzon kag sa Visayas naga igo naman ang easterlies ukon ang mainit nga hangin halin sa Pacific Ocean kag basta gani magbungguanay ining mainit kag matugnaw nga hangin naga resulta ini sa shearline kun sa diin nagaporma ang mga panganod nga nagadala sang ulan.https://youtu.be/PbNFOVsHv7o?si=IrJZ8rWjPCzgL3geMangin maulanon ang Valentine's week. Buot silingon mangin matugnaw indi lang sa mga wala sang partners ang ini nga semana.Laban-laban kun hapon kag kun gab-i magabubu ang ulan nga may dala nga pagpanaguob.Pero tandaan nga ang shearline sarang ma...
Sa Good Vibes, bilang kabahin sang 60th charter anniversary sang Bago City kag National Arts Month Celebration, kompetisyon sa pagpinta sang burador kag abaniko ginpatigayon.May report si Romeo Subaldo.https://www.youtube.com/watch?v=Fl3Ic8nSBMY&pp=0gcJCZQKAYcqIYzv
Humalin sang gin-suspend ang biyahe sang mga barko padulong sa isla sang Siquijor, liwat na naman nga naka eksperyensya ang probinsya sang load shedding ukon ang bulos-bulos nga power outage sa kada area bangud sang kakulang sang fuel supply.Ini base sa announcement sang Province of Siquijor Electric Cooperative, Inc ukon PROSIELCO.Generator sets ang naga hatag sang power supply sa probinsya pinaagi sa Total Power Inc, ugaling wala sang barko nga makatabok sa isla nga kargahan sang fuel gani limited ang fuel kag limitado man ang power supply.Sang kahapon gin-announce man sang PROSIELCO nga ang provincial government ang magapahulam sang 10,000 ka litro sang fuel sa TPI pero, para lamang ini sa apat ka oras nga konsumo sang mga generator sets.*
