Bag-o lang gid nag abot halin sa eskwelahan ang Grade 2 nga bata kag nag rekta sa sulod sang ila balay sa Purok Fire Tree sa Brgy. Bulanon sa Sagay City Miyerkules sang hapon.
Istorya sang iya amay nga si Gremar Abelada, gulpi lang natumba ang puno sang Buri kag napilpilan ang ila nga balay nga sang amo nga inoras may tatlo ka kabataan sa sulod.
May kapid nga mga babaye nga yara man sa sulod pero wala malab-ot, ang biktima lang nga ginkilala nga si Joshua amo ang napilpilan sang kahoy sa ulo.
Gingamitan pa sang traktura para makakas ang puno gikan sa ila nga balay.
Ginhingagaw pa dala sa ospital si Joshua pero ginproklamar siya nga dead on arrival.
Istorya sang lola sang bata mga 50 na ka tuig ang amo nga puno nga gina plano naman gid nila nga ipa utod na kay gamay na lang nga parte sa ugat sini ang naga pang gamut sa duta.
Kahapon wala man sang mabaskog nga hangin pero gulpi lang natumba ang puno.
[sibwp_form id=1]