Kadamo sang mga turista nga nagpa Siquijor para ma try ang viral nga fairy walk sa Cambugahay Falls sa isla.
Nakita naton ang katahum sang sini nga waterfalls kag ang mga aktbidad nga pwede mahimo diri.
Wala labot sini, may matahum man nga beaches sa Siquijor nga gina dagsa sang turista.
Pero magluwas pa gid diri, may treasure ang Siquijor nga natago.
Natago ini sa idalom sang matin-aw nga tubig sang ila nga baybayon.
Gina pabugal sang tourism office sang Siquijor ang mga sarang makita sa ila baybayon. Bisan indi pa man makadtuan ang tanan nga marine destinations, may mga marine protected areas nga gina develop para suportahan ang sustainable tourism kag community-based conservation.
Isa na diri ang Cangbagsa Marine Sanctuary and Ecotourism Destination, isa ka bag-o nga site nga naga abi-abi sa mga turista nga luyag ma experience ang idalom sang baybay sang Siquijor.
Suno sa tourism office, ini ang perfect for freediving, scuba diving, snorkeling, kag marine exploration, kun sa diin sarang makita kun ano pa ang ma offer sang isla samtang gina promote man ang protection sang ila nga marine ecosystem.
Ang Cangbagsa Marine Sanctuary, ang nakatago nga treasure sa idalom sang Siquijor.
[sibwp_form id=1]