Ginakabig sang Calatrava PNP nga “crime solved” ang natungdan nga hitabo matapos mapasakaan sang kaso nga parricide ang bana nga nagpatay sang iya asawa sa Barangay Refugio, banwa sang Calatrava.
Ginsiling ni Police Captain Jesus Alba, hepe sang Calatrava PNP nga karon naka-hospital arrest ang suspek.
Nagwa sa imbestigasyon nga wala nag-intyendihanay ang mag-asawa bangud wala mabayaran sang 35-anyos nga si alyas “Milag” ang motor kag na-embargo.
Nangakig ang suspek nga si alyas “Tito”, 37-anyos kag ginbuno ang iya asawa sa dughan kag nawala nga butkon.
Matapos sini, ginbuno man sang suspek ang iya kaugalingon kag naghigda tupad sa iya duguon nga asawa.
Dead on arrival ang asawa sa ospital.
May tatlo ka mga menor de edad nga bata ang mag-asawa.
“Wala sila nag-intyendihanay regarding sa motor nga na-imbargo, wala mabayran sang asawa, nangakig ang suspect kag ginbuno ang iya asawa. Permi na sila naga-inaway daan, nagalalisay sila permi.. Pagkatapos niya, nagtupad man lang siya sa iya asawa nga nagahamyangon. Pero ti nabuhi pa siya, nagwa lang tina-e niya pero nabuhi pa siya, ginbuno niya sa tiyan ang iya kaugalingon”, suno kay Alba.
[sibwp_form id=1]