Gintipon sang Department of Agrarian Reform ukon DAR ang pila ka mga magagmay nga mga sugarcane farmers kag farmer organizations gikan sa nagkalain-lain nga mga banwa kag siudad para tagaan sang dugang nga ihibalo sa pagdula sang Red Striped Soft Scale Insect ukon RSSI sa ila katubuhan.
Ang entomologist nga si Dr. Ravindra Joshi ang nangin main speaker sa amo nga training kag forum. Isa siya ka scientist nga nagatutok sa entomology, ang branch sang zoology nga naga tuon sa mga insekto kag ila interaction sa environment, sa tawo kag iban pa nga living things.
Ginpahangop niya sa mga mangunguma nga ang chemical ang temporaryo lang nga solusyon sa pagdula sa RSSI kag maga balik balik lang ini. Gintudlo niya man ang natural nga mga pamaagi sa pagdula sang RSSI nga naga damo kun tig-ilinit.
Nangin partner sang DAR ang Central Philippine State University ukon CPSU kun sa diin nagatudlo man si Dr. Joshi kag ang RU Foundry and Machine Shop Corp. nga ang founder nga si Ramon Uy Sr., nga isa ka advocate sang organic farming nga nag haylo man sa mga mangunguma nga likawan ang paggamit sang kemikal kay pati ang mga insekto nga mapuslanon nga nagabulig kaon kag patay sa RSSI ang ginapatay man sang kemikal.
[sibwp_form id=1]