Ginakalipay ni Intelligence Agent 5 Nicolas Gomez, pamuno sang Philippine Drug Enforcement Agency sa probinsya, nga may pagnubo sa supply sang iligal nga droga nga ila narecover pinaagi sa mga anti drug operation sa probinsya epekto man sang pandemic karon nga 2021.
Pero padayon nga ginapabaskog sang ang ahensya ang pagbantay sa mga sea port kag airport sa probinsya sa posible pagsulod sang mga drug mule ukon mga courier karon nga ginhalugan na ang mga travel restrictions sa idalom sang alert level 2 sa Negros Occidental kag siudad sang Bacolod.
Upod sa mga civilian agent, may mga narcotics detections dogs man nga magapatuman sang random panneling kag inspection sa mga pasahero kag sa mga nagasulolod nga bagahe sa cargo area sang pwerto kag airport.
Masupog man nga ginapatuman ang barangay drug clearing program sa mga banwa kag siudad sa probinsya agud mas mapabaskog pa ang kampanya kontra sa iligal nga droga.