Friday, November 20

Mag-paryentihanay nga imbulbado sa pagpatay sa isa ka lalaki sa Bacolod, nagsungka sa otoridad

Una nga nagsungka Huwebes sang hapon ang 41-anyos nga primary suspect nga si alyas “Peter” sa pagpatay sa isa ka lalaki sa Purok 4, Barangay Granada sa Bacolod City.

Pagkagab-i, nagsungka ang ikaduha nga suspek ginkilala kay alyas “Onyok”, 41-anyos.

Ginsiling ni Police Capt. Joy Melvin Dulce, hepe sang Station 5 nga magluwas sa duha ka mga nag-surrender nga suspects, may isa tubtob duha pa gid sila nga ginalantaw nga mga “persons of interest”.

Sila ang ginatudlo naglampos sang botelya kag nagbuno kay alyas “Danny”, 36-anyos, taga Brgy. Granada.

Base sa examination sang doctor, nakaangkon sang walo ka mga stab wounds ang biktima, suno sa hepe.

Nagwa sa imbestigasyon nga may ginsita kag ginsinggitan ang biktima sa isa sa mga paryente sang mga suspek.

Pagpauli sang ginsita sa namatyan sa lugar, iya ginsugiran si alyas “Peter”, nga gilayon naglakat upod sa iban pa nila nga mga paryente kag ginbantayan ang biktima.

Suno sa hepe, magapangatubang sang kaso nga murder ang mga suspek.

“Ang natabo is may ginsita ni aton victim. Ginsita niya, ginsinggitan. Ang ginsinggitan niya paryente sang suspect. Tapos pagpuli niya didto, pagkadto niya sa namatyan, ato to ang suspect, ginsugiran niya. Ang suspek ta naglakat man dayon kag amo to ginbantayan nila ang victim kung diin makadto. Una ginlampusan ang ulo tapos ginlagas kung diin. May ara pa kami ginalantaw subong, ambot kung ma-surrender man siya kay mag-relative ni ang mga suspect kay may ara sila ginahaya nga patay sa area sang Granada, ti naghinagaray sila nga mabalos,” suno kay Dulce.

[sibwp_form id=1]
Secured By miniOrangeSecured By miniOrange