Kasunod sang pagpaidalom sa alert level 2 sang probinsya, Sipalay City ang liwat nga bukas na sa turismo.
Ginapaabot ang pagdamo sang mga maga bisita sa siudad sang Sipalay kag gina lauman ang amat amat nga pag tibawas sang mga negosyo.
Suno sa tourism officer sang Sipalay nga si Jerick Lacson, para sa mga taga Negros Occidental, bukas na ang Sipalay sa mga day tour ukon sa mga maga bisita sa mga resort kag gilayon man nga mag pauli.
Wala na sang iban pa nga requirements mag luwas na lamang sa pagsunod sa health protocol. Sa mga maga overnight, pwede nga mag walk-in na lamang ukon mag pa book na nga daan.
Pero suno kay Lacson sa maga overnight mag pa online register sa ila nga system pero ini ang simple na lamang. Kun grupo pwede nga ang tiglawas na lamang sang grupo ang mag pa rehistro. Sa mga maga bisita naman gikan sagwa sang Negros Occidental, kinahanglang ang SPass.
Sa mga nabakunahan, verifiable ID, kag sa wala nabakunahan ukon indi pa fully vaccinated negative RT PCR test result nga valid sa sulod sang 72 hours. Dapat man may online registration kag booking.
Humalin sang nagsugod ang pandemic, sang bulan sang Agosto na record ang pinaka mataas nga tourist arrival sa Sipalay suno kay Lacson – 10,000. Gina lauman karon nga alert level 2 na, malampuwasan ini sa bulan sang Nobyembre, ilabi na sa Disyembre.
“Before may checkpoint kita subong gindula na gid. Daw amat-amat na gid siya balik, nga para mag open na gid. Mga establishments maka amat-amat man sa income nila. And ang guidelines naton depende sa guest kun mapa book sila ahead, pero gina encourage namon mapa book sila ahead, para maka kuha na nga daan sila sang ila nga accomodation. Or pwede man sila ka walk-in. Kay sang-una dapat may prior booking gid mo. Subong pwede na walk-in,” suno kay Lacson.