Nagpakig-angut na si Bacolod City Lone District Representative Alfredo Abelardo Benitez kay Secretary of the Interior and Local Government Jonvic Remulla tuhoy sa pag-aresto sang isa ka police personnel nga naka assign sa Negros Occidental sa kaso nga murder.
Ini ang kaundan sang speech ni Benitez sa iya pagtambong sa blessing and inauguration sang 10.5 million pesos nga bag-o nga building sang Police Station 9 sa Barangay Cabug Biyerne sang aga.
Wala man ginhingadlan ni Benitez ang nasambit nga pulis nga gin-aresto kag wala man niya gintumod kun sa diin nga station ini naka-assign.
Apang sini nga semana may mga reports na nga naggwa nga ginbuslan na ang Chief of Police sang Victorias City nga si Major Ernesto Etorne matapos ini ginpapanaogan sang warrant of arrest sa kaso nga murder.
Nag-ugat ang amo nga kaso sang naasign pa si Etorne sa Zamboanga sang 2018, kun sa diin may lima pagid ka pulis ang ginpasakaan sang kaso magluwas sa iya.
Suno kay Benitez, indi dapat pagpasakaan sang kaso ukon hatagan sang penalidad ang isa ka pulis nga naga-obra lamang sang iya responsibilidad bilang isa ka pulis.
Nanindugan man ang kongresista nga kun wala man lang sang foul play nga makita sa imbestigasyon, kinahanglan nga hilwayon na ang nasambit nga pulis.
[sibwp_form id=1]