Balita Hiligaynon

Second District Representative Alfredo Marañon, III ang nagapabilin nga “best bet” sang United Negros Alliance para sa pag ka gobernador sang Negros Occidental sa 2028.Ini suno kay Cadiz City Mayor Salvador Escalante, Jr nga nagklaro man nga wala pa sang desisyon nga nalab-utan sa karon.Si Escalante nga naga serbe man sang Secretary General sang UNegA ang nag pahayag nga malayo pa ang piniliay kag subong kinahanglan nila nga mag tutok sa trabaho.Sang gin-interview sang media kun bala handa siya sa pag papili bilang gobernador, ginsiling ni Marañon, nga sila sa UNegA ang qualified, kag ini ang mahibaluan na lamang kun mag-abot na ang tion.Suno kay Escalante sa nagakaigo nga tion ma plastar kag maga santo ang tanan.Nagtambong sang Domingo nanday Escalante kag Marañon sa k...

Las 5:51 Lunes sang aga, liwat nga nagbuga sang abo ang Bulkan Kanlaon nga nagdangat sa 200 meters ang kataason.Na eksperensyahan sa Canlaon City ang pagtupa sang abo kag nag usbong ang baho sang asupre rason sang pagkansela sang klase Lunes sang hapon.Sandig sa Executive Order No. 80-2026 nga ginpagwa ni Mayor Jose Chubasco Cardenas, kanselado ang klase sang private kag public schools sa Canlaon sumugod las 12 sang udto sini nga adlaw tubton nga i-lift ini sang siudad bangud sa sunod sunod nga aktibidad sang bulkan.Ginsaysay ni Cardenas sa EO nga ang pagtupa sang abo ang delikado para sa ikaayong lawas sang mga estudyante kag mga manunudlo.Ginamanduan sang alkalde ang mga estudyante kag manunudlo nga magpabilin sa ila tagsa ka mga balay kag magsunod sa mga precautionary me...

BCCO photoTemporaryo nga indi pagpalabyan ang porsyon sang dalan sa Rosario-Araneta pakadto sa Rosario-San Juan sumugod sini nga Lunes sang gab-i bangud sa ipatuman nga pagkaayo sang dalan.Naga abiso ang Bacolod City Transport and Traffic Management Department ukon BTTMD sa mga motorista nga kun mahimo likawan anay ang paglabay sa sini nga dalan agud makalikaw man sa pag guot sang salakyan.Ginsiling ni Bacolod City Mayor Greg Gasataya nga subong nga adlaw magasugod ang pag-construct sang dalan kag magalawig ini sang anum ka bulan.Dugang niya, ini ang isa sa pinakaguba nga dalan sa siudad kag may pila na ka dekada nga wala makaayo.Ginatinguhaan pa sang BTTMD nga mapangitaan sang paagi ang paglabay sang mga salakyan sa area, ilabi na ang mga Public Utility Jeepneys nga ma...

DSWD NIR photoMasobra na sa P199 million ang balor sang financial assistance nga na-release sang Department of Social Welfare and Development para sa mga magagmay nga mangunguma nga ang katubuhan na igo sang RSSI.Suno kay DSWD Regional Director Arwin Razo, as of August 23, may 19,373 na ka mga mangunguma sa bilog nga NIR ang nakabaton sang ayuda sa idalom sang Emergency Cash Transfer.14,644 ang gikan sa Negros Occidental kag 4,729 naman ka magagmay nga mangunguma ang gikan sa Negros Oriental.Sa karon padayon sa gihapon ang pag panagtag sang ayuda.Sa sulod sang sini nga semana suno kay Razo, maga request sila sang dugang nga pondo para sa bag-o naman nga listahan sang mga benepisyaryo.Gina hulat pa ang clean list suno kay Razo.“Meron kaming si-net na deadline wit...

Dead on arrival ang driver sang motor samtang pilason ang duha ka mga angkas sini matapos nakabunggo sila sa likod sa nagapondo nga truck sa outer lane sang national highway sakop sang Purok Yee-on, Barangay Cabahug sa Cadiz City, Sabado sang gab-i.Gindala sa Cadiz District Hospital ang tatlo apang napatay ang driver nga si alyas “Abel”, 34-anyos, samtang pilason ang back-riders nga sanday alyas “Ronnie” kag alyas “Pedmon”.Nagwa sa imbestigasyon nga padulong sa direksyon sang Bacolod City ang motor sang nakabunggo ini sa bumper sa likod nga bahin sang truck.May narekober ang pulis nga traffic cone sa lugar apang indi ini reflectorized.Samtang, duha ka mag-amigohay patay sang makabunggo ang ila ginasakyan nga motor sa carabao sa Hacienda Santo Rosario, Barangay Guimbalaon sa...

May lead kag “persons of interest” na ang Manapla PNP sa kaso nga pagpatay sa isa ka negosyante nga anay Overseas Filipino worker sa Purok Suaga, Barangay I-A sa banwa sang Manapla, Domingo sang aga.Base sa imbestigasyon, may igo sang bala sa nawala nga dulunggan kag ulo ang biktima nga ginkilala kay alyas “Mau”, 57-anyos, residente sang nasambit nga barangay.Nagwa sa imbestigasyon nga papauli na kag nagamaneho sang iya salakyan si alyas “Mau” upod sang iya asawa nga maestra, sang gintiro ang biktima sang makapila ka beses sang gunman nga nakasuksok sang delargo, itom nga jacket kag naka-bonnet.Ang gunman ang naga-angkas sa motor nga ginamaneho sang isa pa gid ka persona.Apisar nga natiruhan na ang biktima, siya ang nagapaandar pa sang iya salakyan mga 30 metros gikan sa cr...

Hinigaran PNP photoMakita sa video ang pag-revive paagi sa CPR sa 6 ka tuig nga babaye nga nalumos malapit sa isa ka beach resort sa Barangay Gargato, banwa sang Hinigaran sang Biyernes.Suno sa magulang sang biktima, nga isa man ka menor de edad, ma ligo kuntani sila sa baybay upod ang isa pa gid nila ka utod kag duha ka mga tupad balay, nga mga minors man.Nagpadulong sila sa higad sang baybay apang nakakadto ang biktima sa madalom nga porsyon sang dagat kag wala na makabutwa sa balod.Nagtinguha pa ang upod sang biktima nga mga bata nga buligan siya apang wala gid nasalbar.Gindala ang biktima sa Hinigaran Medical Clinic apang gindeklarar nga dead on arrival.

BCCO photoGina usisa sang Bacolod City LGU ang mga identification cards ukon IDs nga natukiban wala ma rehistro sa Office of the Senior Citizens Affairs sang siudad.Ini matapos nga nagdangat sa masobra 5,000 ka mga senior citizen nga naga edad 65 pataas ang nag reklamo bangud wala ang ila ngalan sa mga benepisyaryo sang napulo ka kilo nga bugas sa idalum sang Bawat Bayan Makikinabang Program.Ginsiling ni Bacolod City Mayor Greg Gasataya nga ila pa sa karun ginausisa kun sa diin nakakuha sang ID ang mga natungdan nga senior citizen kag kun ngaa wala ma rehistro ang ila ngalan sa database sang siudad.Ginahaylo sang siudad ang mga natungdan nga ipa check kag ipa verify ang ila mga ID sa Senior Citizen's Center agud tigayon nga masulod na ang ila ngalan sa masterlist.Damlag...

Sen JV Ejercito page photoDugang nga hospital equipment ang ginpasalig ni Senador Joseph Victor Ejercito sa iya nga pag bisita sang Domingo sa Teresita Lopez Jalandoni Provincial Hospital.Nagsapol si Ejercito sa mga pamuno sang provincial government hospital sa iya nga pagbisita sa probinsya kag siya ang naghinyo sang ila nga wish list.Si Ejercito ang chairman sang Committee on Finance sa Senado.Ginpahayag ni Ejercito nga luyag niya nga mapaayo ang mga provincial government run hospitals para man ma decongest ang Corazon Locsin Montelibano Memorial Regional Hospital sa idalom sang Department of Health kag gina kabig nga apex hospital sang Negros Island Region.Nag tour si Ejercito sa TLJPH.Si Ejercito, ang primary author sang Universal Health Care Law.Suno sa iya...