Gobyerno Probinsyal ang naga laum nga mapabilin ang volume sang rice production sa tunga sang gina pangatubang nga pag panghangkat dala sang super El Niño.
Ginsiling ni Governor Eugenio Jose Lacson, kun indi man magsaka bisan gamay, kuntani mapabilin nga lang ang volume sang rice production.
Sadtong nag-igo man ang El Niño suno kay Lacson may gamay pa nga pagsaka sa rice production sa mga irrigated areas.
Sa mga rainfed naman ukon yadtong naga salig lamang sa ulan, gina haylo sang gobernador ang natungdan nga mga mangunguma nga mag shift ukon mag saylo anay sa sahi sang crops nga gina tanom kaangay sa mga kararuton ukon drought resistant crops.
Magluwas sa gina paabot nga cloudseeding operation nga gina lauman maga hatag sang alibyo sa mga pananum sa tunga sang pag panghangkat dala sang kainiton, isa sa iga patuman sang probinsya amo ang pag pahamtang sang mga ‘rubberized dam’.
Paathag ni Lacson, sa mga suba nga may yara pa sang tubig maga pahamtang sila sa mga kilid sini sang dam para tigayon nga makabulig sining tig-ilinit. Sila ang maga set-up sang kaangay sini sa Manapla.
[sibwp_form id=1]