Balita Hiligaynon

Ang bagyo nga may international name nga Saudel ang nakasulod na sa Philippine Area of Responsibility la una bente sini nga hapon.Gintawag na ini nga bagyo Obet. Si Obet ang ikaapat na nga bagyo nga nagsulod sa PAR sini nga Agosto kag ika 15 sini nga 2026.Ginapaabot nga mangin isa ka Super Typhoon si Obet pero indi ini maglawig sa PAR. Bwas gina forecast nga magwa na ini sa PAR pero pabaskugon naman sini ang Habagat nga amo naman ang magadala sang ulan sa western nga portion sang Luzon pati na sa Metro Manila.May duha pa gid ka mga bagyo sa gwa sang PAR pero wala man ini sang mga direkta nga epekto sa lakat sang panahon sa Pilipinas.Padayon lang nga magtutok sa lakat sang panahon kay sarang pa magbag-o ang weather update.

Ang 23 anyos nga tumandok sang Dumaguete City Negros Oriental nga si Enzo Miguel Kho, ang sa subong isa sa mga trustees sang Princeton University.Si Kho ang nag graduate sa Princeton sang 2026 sang iya bachelor’s degree sa sociology kag may certificate in urban studies, kag gin elect man siya sang Classes 2024 tubtob 2027 nga mag serbe sa sulod sang apat ka termino humalin July 1, 2026 tubtob June 30, 2030.Nagserbe man siya president sang Princeton’s Undergraduate Student Government, nagtrabaho sa Princeton Filipino Community, co-founder sang Alliance of Empowered Youth in the Philippines, kag nagbaton sang Walter E. Hope Class of 1901 Medal sa iya kontribusyon sa university community.Sa post sa iya Facebook nagpasalamat si Kho sa iya nga mga nangin mentors.

File photoWala pa sang may nalab-utan nga desisyon ang coalition para sa 2028 nga piniliay. Ini suno kay Third District Representative Javier Miguel Benitez nga nag pahayag nga siya ang handa sa pag pungko kag pagsugilanon sa grupo.Sa isa ka pagtililipon sang Hwebes sang gab-i upod sa katapo sang media kag mga content creators, gin-sabat ni Congressman Javi ang mga pamangkot karon nga naga gwa ang iya nga ngalan kag ni Second District Representative Alfredo Maranon, III nga gina lantaw maga sambuwa sa gubernatorial post sa 2028.Iya ginsulit nga siya sa karon ang nakatutok sa iya nga trabo bilang tiglawas sang Third District sang Negros Occidental.Kun bala siya ang naga hatag konsiderasyon nga mag papili bilang gobernador, iya ginsiling nga wala pa sang desisyon kag siya ang...

Ginkumpirmar ni Bacolod City Administrator Atty. Mark Steven Mayo nga naghatag na sila sang Notice Violation kag Show Cause Order batuk sa IPM Construction and Development Corporation nga nangin contractor sang Sanitary Landfill sa Barangay Felisa sadtong 2016 tubtob 2025.Ini agud makahatag sila sang eksplenasyon kun ngaa wala nila ma secure ang Environmental Compliance Certificate ukon ECC antes pa nagsugod ang pagpatukod sang cell number 4.Suno kay Mayo, apisar nga indi na sila ang contractor sa landfill sa subong, may salabton pa sila sa gihapon bangud ila pa kuntani obligasyon ang pag secure sang ECC antes nahuman ang cell number 4.Sang nagsulod ang bag-o nga tagdumalahan sa landfill, wala pa sang land conversion ang cell number 4 rason nga indi ini ma issuehan sang ECC....

Gin-anunsyo sang Negros Power kag Negros Occidental Electric Cooperative nga magasaka ang ila sukot sa kuryente para sa sini nga bulan sang Agosto.Base sa advisory sang NOCECO, masobra P15 per kilowatt hour ang ila karon nga residential electricity rates para sa August billing period, samtang masobra P14 per kilowatt hour ang iya sang Negros Power.https://youtu.be/uH2NzgFX-TA?si=q_zjBBWfbBA1So8GAng rason sang pagsaka amo ang pagsaka sang transmission charge kag padayon nga pagsaka sang presyo sang kuryente nga ginabakal sa spot market.Pareho nga nag-request ang NOCECO kag Negros Power sang staggered recovery scheme sa masunod nga apat tubtob lima ka bulan agud mahagan-hagan ang impact sang pagsaka sang bili sang kuryente kag indi magulpihan ang mga consumers, imbes nga it...

Nagapangabay si Bacolod City Councilor Dindo Ramos, pamuno sang Committee on Transportation and Traffic sang Sanguniang Panlungsod sa LTFRB nga tumanon ang ila mga gin promisa sa transport sector sa siudad, sa pihak sang pag suspend sang Ombudsman kay Atty. Vigor Mendoza bilang LTFRB Chairman.Suno sa konsehal isa ka dako nga pagpanghangkat sa transport sector amo ang masami wala matapos nga mga programa sang mga nagapungko bilang chairman sang ahensya.Iya ginsiling nga ang promisa sang isa ka chairman ang kinahanglan tumanon sang ahensya, apisar nga may pagbaylo na sa pamunuan.Sang Agosto 12 nagpadulong sa Bacolod City si Mendoza kag nagpakighinun-anon sa modernized kag traditional jeepney drivers kag operators.Isa sa iya mga ginpromisa amo ang pagpaiway anay sang mga bangk...

Pag paisol sang Barangay kag SK Elections maga depende sang mangin desisyon sang mayoriya sang Kongreso.Ini suno kay Third District Representative Javier Miguel Benitez nga nag ako man nga magamay na man lang gid ang tiempo nga bilin, labi na nga sa Nobyembre 2 na ang naka schedule nga piniliay.Suno kay Benitez nga isa sa yadtong nag file man sang hagna para sa postponement sang BSKE, sarang mahibaluan ang desisyon sang mayorya angut sa pag paisol sang piniliay sa masunod nga sinemana.https://youtu.be/ApNaNED6wfk?si=NeJIez6vOBIS_G2gDugang pa ni Benitez, ano man ang malab-utan sang desisyon handa man sila.Sa bahin sang COMELEC, padayon ang ila nga pagpanghanda sa BSKE, bangud madayon ini, magluwas na lamang kun may laye nga maga gwa nga maga paisol sini.

Nakabaton sang report ang Police Station 3 nga may nasapwan nga patay sa Purok Active, Barangay Mandalagan sa Bacolod City, Huwebes sang kaagahon.Naabtan sang nagresponde nga kapulisan ang biktima nga duguon ang ulo kag nagahigda sa kilid sang tricycle nga naka-park sa lugar.Ginkilala ang biktima kay alyas “Jayven”, 22-anyos, taga Purok Bakawan sa Barangay Villamonte, Bacolod.https://youtu.be/I22tIjL0ArU?si=MivoOrpYgtTdkbznNakaangkon ang biktima sang igo sang bala sa likod sang ulo sini apang wala ang Scene of the Crime Operatives sang may na-recover nga empty shell, bala ukon pusil sa lugar.Sa follow-up investigation, nahibaluan nga ang ginpatay amo ang saksi sa pagpatay sadto sa mag-utod nga Espina sa Purok Active sang Setyembre 29, 2025.Padayon karon ang PNP sa...

Kabankalan PNP photoNakaangkon sang malubha nga pilas sa ulo ang 44-anyos nga lalaki matapos siya ang mahulog sa ginakaayo nga drainage sa Punta Coloso, Barangay 6 sa Kabankalan City, Huwebes sang kaagahon.Makita sa kopya sang CCTV video malapit sa lugar ang pag-arangka sang motor sa nagatumpok nga balas kag bato.Ginsiling ni Police Lt. Gilbert Alunan, deputy chief sang Kabankalan City PNP nga posible wala matalupangdan sang driver nga may ginakay-o sa lugar.Naabtan sang mga pulis ang lalaki nga yara sa sulod sang under construction nga drainage, samtang natumba ang iya motor sa ibabaw sang kanal.https://youtu.be/waiwn5kVlqc?si=Aphh3cNhEfliCPIlGikan Kabankalan proper ang driver kag papauli sa iya puluy-an sa Brgy. Mambugsay sang nagluntad ang insidente.Ang lug...

BCCO photoMay masobra pa sa 5,000 ka mga senior citizen nga naga edad 65 pataas ang gindugang sa listahan sang Bacolod City agud makabaton sang 10 ka kilo nga bugas sa idalum sang Bawat Bayan Makikinabang Program sang Presidente.Ginsiling ni Bacolod City Mayor Greg Gasataya nga sa ila pag libot sa tagsa ka barangay agud maghatag sang bugas, madamo sang mga senior citizen ang nagareklamo bangud wala ang ila ngalan.Sang gin-usisa sang siudad, wala man sang social pension ang ini nga mga senior citizen rason nga kwalipakido sila sa programa.Matapos ang validation sang masobra sa 5,000 ka mga dugang nga beneficiary, ihatag na sa ila ang una nga batch sang 10 ka kilo nga bugas.https://youtu.be/lD5BP_gzp7Y?si=2Nfc_a5HSyqZ7feQPagklaro ni Gasataya, wala pa mahibaluan ang ...