P665 million nga balor sang bulig pinansyal ang iga-release sang Malacañang sa Hwebes para sa mga banwa kag siudad nga naigo sang Bagyo Tino kag paglupok sang Bulkan Kanlaon sa Negros Occidental sadtong 2025.
Paathag ni Governor Eugenio Jose Lacson, ang pondo para sa mga infrastructure projects kaangay sang mga dalan, taytay, local buildings and facilities, housing kag resettlement santo sa gin-request sang apektado nga LGU. May yara man sang nag hinyo para sa health and education.
Ang Cadiz City, Himamaylan City, Salvador Benedicto, Isabela kag Sagay City ang nalakip sa maga baton sang bulig matapos nga ma igo sadto sang bagyo Tino.
Ang Bago City, Murcia ang maga baton bulig matapos ma apektuhan sang pag lupok sang Bulkan Kanlaon.
Samtang ang La Carlota City, Binalbagan, La Castellana kag Moises Padilla ang maga baton sang bulig bangud sila ang pareho na igo sang Bagyo Tino kag paglupok sang bulkan Kanlaon. Sila nga apat ang maga baton sang tig P100,000,000.
Si Lacson ang maga padulong sa Malacanang rason man nga indi siya makatambong sa programa sang Al Cinco de Noviembre.
Sa Negros Oriental, ang Bayawan City, Bindoy kag Guihulgan City ang maga baton man sang bulig bangud sang halit dala sang bagyo Tino. P170 million ang iga-release nga kabilugan nga pondo sa tatlo ka LGU.
Sa pihak nga bahin, ang probinsya ang nag patigayon man sang misa sa pag sukat isa ka tuig sang mag igo ang bagyo Tino nga nag utas sang 106 ka kabuhi. Tubtob sa karon may 34 ka missing.
Ang misa pag pasalamat para sa mga yadtong naka lampuwas sa trahedya kag para man sa mga tubtob subong ang wala makita.
[sibwp_form id=1]