Balita Hiligaynon

Mga punong barangay sa Negros Occidental nga gin-reklamo bangud ila man nga himata ang benepisyaryo sa scholarship program sa idalom sang Bawat Barangay Makikinabang program ang nag balik na sang natungdan nga pondo.Ginsiling ni Board Member Richard Julius Sablan nga presidente sang Liga ng Barangay - Negros Occidental Chapter, nga sila ang nagpadulong mismo sa barangay sa Cauayan kun sa diin duha ka mga anak sang punong barangay ang benepisyaryo sa amo nga scholarship program.Nakuha na nila ang tig P20,000 nga pondo kag napangitaan na sang bulos nga bag-o nga duha ka benepisyaryo.Ang sa Bago nga barangay naman suno kay Sablan nakuha naman balik kay ang punong barangay mismo ang nagpadulong sa Liga ng Barangay Office matapos nga mag lupok ang issue kag gin-uli man ang pondo....

Ginapaabot nga mapahagan-hagan na ang adlaw-adlaw nga mga brownout sa bilog nga Visayas lakip na sa isla sang Negros kun matapos na kaayo ang pila ka dalagko nga mga power plants sa Visayas nga gina lauman matapos sa sini nga semana.Ini ang gin anunsyo ni Department of Energy Secretary Sharon Garin.Humalin sang nagliligad nga sinemana ginapaidalom sa Yellow kag Red Alert ang Visayas Grid bangud kulang ang power supply para sa Visayas.https://youtu.be/gkeYXVMB5-E?si=avapEsEBYyaeoSV-Pero ginapaabot na sa pagpatuman sang repair sa mga major plants dako na ini nga bulig para maibanan ang yellow kag red alert sa Visayas.Sa kada announcement sang National Grid Corporation of the Philippines ukon NGCP, ila gina siling nga bangud sa kakulang sang power supply sa bilog nga Vi...

Ginakwestyon sag Bacolod LGU ang resulta sang water testing sang Environmental Management Bureau Negros Island Region sa Sanitary Landfill sang siudad sa Barangay Felisa matapos nga may water contamination nga nakita sa malapit nga creek.Ini bangud ginserbehan sang EMB sang Notice of Violation ang siudad sa amo nga rason. Hulyo 9 kag 20, ginpatigayon sang EMB ang testing.Ginsiling naman ni Bacolod City Administrator Atty. Mark Steven Mayo, nga sang Agosto, nagpatuman man ang siudad sang kaugalingon nga testing, apang wala ini nagsanto sa resulta sang EMB-NIR.Suno sa iya, ang ginapatihan nga "exceedance" sa tubig nga naguwa sa resulta sang EMB, ang wala nakit-an sa resulta sang water testing sang siudad.https://youtu.be/DFtPIm68Ww0?si=mQeWpWYc8ksir4avAgud matumod ang k...

File photoKaalyado ni Congresswoman Mercedes Alvarez naga pati nga indi siya mag papili bilang vice governor sang probinsya sa 2028.Posible man ang pag-isa sang mga Zayco kag Alvarez sa Kabankalan City.Ini suno kay Board Member Jeffrey Tubola sa interview sang media sini nga Martes.Paathag ni Tubola may isa pa ka term nga bilin si Congresswoman Alvarez kag gina lantaw nga tapuson niya ini.https://youtu.be/rO6V-lRtbLU?si=ZS8tdFu0vSp3MWP8Antes pa man nag gwa ang mga spekulasyon nga ang hinablos ni Alvarez nga si Board Member Genaro “Ralph” Alvarez, IV ang maga papili vice governor, may mga impormasyon nga nag gwa nga si Congresswoman Cheding ang mahimo maga papili bilang bise gobernador.Sa Kabankalan City naman, suno kay Tubola may posibilidad nga maga-isa na an...

Screen grab from Eugene Adiong videoWala gin kumpirma ukon gin himutig ni Mayor Salvador Escalante, Secretary General sang United Negros Alliance nga may duha ka mga alkalde sa probinsya nga maga-upod sa ila nga partido.Suno kay Escalante, indi siya privy sa impormasyon nga may duha ka mga mayor nga maga upod sa UNegA.Sa karon may 14 ukon 15 ka sa 31 ka alkalde ang ila kaupod sa partido.Ang nabilin iya sang Love Negros ukon independent. Maga patigayon pa ang UNegA sang General Assembly kag kun madayon ang Barangay Elections patigayunon ini antes sang piniliay.Suno kay Escalante, duha man ka tuig kag wala sila makatipon.Sa pihak nga bahin, para kay 5th District Representative Emilio “Dino” Yulo, malayo pa ang 2028 kag wala pa man sila sang alignment nga gina lantaw...

Padulong sa merkado ang 50-anyos nga mangunguma sang siya ang gintambangan kag gintiro sang tatlo ka mga persona sa Sitio Panggiasgiasan, Barangay Lalong sa banwa sang Calatrava sa Negros Occidental, Domingo sang aga.Ginsiling ni Police Captain Jesus Alba, hepe sang Calatrava PNP, may “person of interest” na sila sa pagpatay kay alyas “Jundy”.May ginalantaw man ang PNP nga motibo sa krimen apang indi pa nila mapalayag tungod padayon pa ang imbestigasyon.Base sa resulta sang medico-legal examination, nakaangkon sang madamo nga igo sang bala sa lawas ang biktima.https://youtu.be/jluGoYeJxbA?si=J6NXHIEthl8az9crYara sa nabukid nga bahin ang lugar sang krimen, indi masulod sang salakyan kag layu-anay ang mga pamalay.Sa karon, at large sa gihapon ang mga suspek.“May...

BCCO photoGina imbestigahan sang Bacolod City Police Office ang isa ka insidente kun sa diin nabiktima sang isa ka scammer nga nagpakuno kuno bilang si Bacolod City Mayor Greg Gasataya ang isa ka supermart sa downtown area.Lunes sang kaagahon, nakabaton sang tawag gikan sa nagpakilala nga alkalde sang siudad ang isa ka hotel sa downtown kag nagbook sang duha ka rooms bangud sa ginapaabot nga mga bisita.Matapos sini, nagpangabay man ang caller nga baklan pagkaon ang mga bisita, apang wala sang pagkaon sa amo nga hotel.Ginsugo sang caller ang security guard sang hotel nga magkadto sa pinakamalapit nga EC Pay Terminal nga nahamtang sa 24H Supermart sa dalan Rizal.Didto na gilayon nga ginhatag sang guard sa cashier ang cellphone, kag nagpangabay ang caller nga sendan siya s...

Amo sini ang sitwasyon sang basura sa atubang mismo sang isa ka simbahan sa Barangay Handumanan sa Bacolod City kun sa diin ginpahamtang ang garbage bin.Ginareklamo sang simbahan ang paghimo sang amo nga lugar bilang dumping site bangud nagabaho ini, ilabi na may mga diapers kag patay nga sapat pa nga ginahaboy diri ang mga residente.Amo man sini ang sitwasyon sa porsyon sang Barangay 7, malapit sa daan nga planta sang isa ka softdrink company.Nanindugan si Bacolod Environment and Natural Resources Officer Atty. Allyn Luv Dignadice nga epektibo ang garbage bin nga ginpahamtang sa mga barangay, apang problema sa gihapon ang mga residente nga wala nagasunod sa mga patakaran nga ginapatuman sang siudad.Suno sa iya, kalabanan sa mga reklamo amo ang mga basura nga wala man ginah...