Patay ang 26-anyos nga driver sang motor matapos malapakan sang trailer truck sa national highway nga sakop sang Sitio Claudio, Barangay Poblacion 2 sa Sagay City, mga las syete Martes sang gab-i.
Halin sa Bacolod City ang trailer truck nga may karga nga tangke sang molasses, samtang nagabiyahe sa pihak nga lane ang motor.
Nagwa sa imbestigasyon nga naglapaw ang motor sa kurbada nga bahin sang dalan kag nakabunggo sa kilid sang trailer, rason nga natumba ang rider kag nalapakan sang goma ka trailer.
Nakaangkon sang mga pilas sa ulo kag lawas ang rider, nga taga Victorias City kag naga-obra bilang bagger.
Samtang, detained sa Sagay PNP ang 66-anyos nga truck driver, residente sang Bacolod City.
[sibwp_form id=1]