Napulo ka mga empleyado sang Provincial Government sang Negros Occidental ang nag positibo sa pag gamit sang iligal nga droga base sa resulta sang confirmatory test.
Ini suno kay Provincial Administrator Rayfrando Diaz nga nag siling nga sa 11 ka confirmatory test result nga ginbalik sang Department of Health, isa ang nag negatibo.
Samtang may tatlo pa sa karon nga pending kag ini ang ila man nga gina hulat pa.
Sa kabilugan, 14 ka drug test results ang ginpadala sang probinsya sa DOH para ipaidalom sa confirmatory test.
Subong suno kay Diaz sila ang naga pat-od sang employment status sang natungdan nga napulo ka empleyado nga nag positibo sa confirmatory test.
Sila ang pabal-on sang nangin resulta sang ila nga confirmatory test.
Kun job order ukon contract of service, suno kay Diaz sila ang makakas sa serbisyo. Kun ang nag positibo permanent nga empleyado sarang sila nga mahatagan sang tion nga mag bag-o, paagi sa pag paidalom sa drug rehabilitation sandig sa pagsulundan sang Civil Service Commission.
Ang pag patigayon sang regular drug test ang kabahin sang kampanya para sa isa ka drug free work place.
“10 ang nag positive sa confirmatory. Gina identify ko na ang ila status, kun permanent or JO, COS and then we will proceed with notifying them of the results. (Ang JO and COS automatic termination na?) oo. (Ang permanent ya, irehab pa?) like before ginatagaan sila chance to shape up and upon certification sang ila nga rehab pwede sila ma re-admit back to the work force,” suno kay Diaz.
[sibwp_form id=1]