Monday, November 16

13.24 % pa lang sa mga taga NegOcc ang naka pa rehistro sa YAKAP; PhilHealth naga kampanya sa pag avail sang libre nga konsulta kag bulong

Padayon ang pagduso sang Philhealth sa publiko nga mag pa rehistro sa YAKAP kag mag avail sang benepisyo nga dala sini – libre nga konsulta, laboratory, bulong kag pila ka cancer screening tests.

Sa October 5, 2026 nga datus sang Yakap dashboard, sa Region VI, kun sa diin nalakip pa ang Negros Occidentaal, 17.53 percent pa lamang sang populasyon ang naka rehistro sa YAKAP package provider. Ukon sa projected population nga 8.1 million 1.4 million pa lamang ang naka rehistro.

13.24 percent sa projected population sang Negros Occidental sa amo man nga report ang naka rehistro sa YAKAP ukon 430,023 ang naka register sa 3.2 million nga population. Kun basehan ang percentage sa registration pinaka manubo ang Negros Occidental sa Region 6 kay ini man ang may pinaka daku nga projected population.

Nalakip sa kampanya para sa YAKAP, gina target karon ang mga eskwelahan para maka pa rehistro ang mga kabataan, ila nga ginikanan kag ila nga mga manunudlo. Gina target man ang mga mall, mga barangay kag tagsa ka LGU.

Magluwas sa YAKAP registration, gina haylo pa gid ang mga naka rehistro diri nga I avail ang services sini ukon mag paidalom sa first patient encounter.

Sa datus sa Region 6, ang mga nag avail sang services ukon

ang mga nag bisita sa duktor, 5.62 percent lamang.

Mas importante una sa tanan ang preventive care, indi na hulaton pa nga mag masakit kag amo ang pag bisita sa duktor.

[sibwp_form id=1]
Secured By miniOrangeSecured By miniOrange