Monday, November 16

Progresibo nga mga grupo nagpatigayon sang aksyon protesta sa Bacolod vs pax silica

Kaupod sa nationwide protest kontra sa Pax Silica, isa man ka hublag protesta ang ginpatuman sang mga progresibo nga grupo kaupod ang sektor sang transportasyon sa Bacolod City, Lunes sang aga.

Bitbit ang mga placards nga may mga nakasulat sang pag pamatuk sa Pax Silica, nag singgitan ang mga grupo sa atubang sang Bacolod City Government Center Replica sa dalan Araneta sang ila mga opinyon batuk sa amo nga programa sang America.

Ini ang kadungan man sang pag-abot ni US President Donad Trump sa Pilipinas agud mag pirma sang kasugtanan para sa pag patukod sang Pax Silica, isa ka Artificial iInteligence Hub sa pungsod kag kabahin man sang Association of South East Asian Nations ukon ASEAN Summit.

Ginsiling ni Florence Guzon, Vice President for Visayas sang Kabataan Partylist, nga sa Tarlac una luyag ipatukod sang America ang amo nga data center. Apang nagapamatuk diri ang mga grupo bangud sa 1,600 hectares nga duta, madamo sang mga ancestral lands ang maapektuhan kag linibo ka mga indigenous people ang madulaan sang ilistaran kag palangabuhian.

Suno sa iya, kinahanglan nga ang mga kabataan mismo ang magpamatuk sa amo nga programa bangud sa madugay nga panahon dako ang mangin negatibo nga epekto sang Pax Silica sa dunang manggad.

Para naman kay BACODNI MANIBELA President Rudy Catedral, nag-ugyon sila sa amo nga protesta bangud isa man sa ginapaabot nga talakayon sang mga lider sa ASEAN Summit amo ang pagduso pa gid sang modernization program sa transportasyon, butang nga gina pamalabagan man sang mga traditional jeepney drivers.

Nag-ugyon man sa protesta sa Bacolod City nga ginpangunahan sang BAYAN-Negros ang grupo sang mga kababainhan kag mga mangunguma.

[sibwp_form id=1]
Secured By miniOrangeSecured By miniOrange