Balita Hiligaynon

Indi na kinahanglan pa nga tawgan ang nagkalain-lain nga numero sang tagsa ka ahensya, bangud sa karun isa na lang ka numero ang sarang nga matawagan agud mapadangat ang mga concerns sa Bacolod LGU.Opisyal na nga ginlunsar sang siudad sa publiko ang isa ka centralized nga hotline ukon ang 034-479-6100.Ginsiling ni Bacolod City Mayor Greg Gasataya nga ini na nga hotline ang magasabat sa mga concerns sang publiko lakip na ang mga reklamo sa basura, traffic, social pensions, mga financial assistance kag iban pa.Sa karun may napulo na ka trained personnel nga gin-assign ang siudad agud magsabat sa mga tawag kag bukas man ini nga madugangan kun magdamo na ang mga calls.https://youtu.be/IhmQdaVMwvU?si=Lu2Nf0qqz6AsgkbiLunes tubtob Domingo, kada las 6 sang aga tubtob las 11 s...

Tatlo ka mga persona ang nagpuli tapungol sa 46-anyos nga biktima sa national highway sang Barangay 2 sa San Carlos City, Negros Occidental, Sabado sang gab-i.Ginsiling ni Police Capt. Rodney Sarona, deputy chief sang San Carlos PNP, natumba kag nalampos ang ulo sang biktima sa semento, rason nga nalipungan ini.Gindala sa ospital ang biktima apang napatay samtang ginabulong.https://youtu.be/i2oxSasgIag?si=97pq-cm9rLF7npQgAntes sang insidente, nagbinaisay ang biktima kag ang tatlo ka mga suspek.Nadakpan sang pulis ang duha ka mga suspek, isa diri menor de edad. Samtang nakapalagyo ang ikatatlo nga suspek, nga karon padayon pa nga ginakilala.Ang biktima ang taga Barangay Poblacion sa Vallehermoso, Negros Oriental.

Patay ang 3 ka tuig nga babaye matapos aksidente nga nahikapan ang live wire sa saksakan sang extension cord sa Purok 11, Bugtong Kahoy sa Barangay Asia, banwa sang Hinoba-an, Domingo sang aga.Suno sa 30-anyos nga iloy sang biktima, nagahampang sa sulod sang kwarto sang ila tiya ang 3 ka tuig nga bata nga babaye upod ang iya isa ka tuig nga manghod nga lalaki sang siya ang nakuryente.Nalipungan ang biktima kag nakaangkon sang paso sa palad sang natu-o nga kamot sini.https://youtu.be/1vZlvr-93dk?si=OYP8z28qQ1VdJe1hGindala sa ospital ang biktima apang gindeklarar nga dead on arrival.Ang ila balay ang yara sa nabukid nga bahin sang Brgy. Asia kag may kalayuon ini sa ospital.

Nakuhaan sang closed-circuit television camera footages ang pagpundo sang tricycle kag pagpanaog sang duha ka mga persona sa atubang sang isa ka punerarya sa Barangay Lag-asan, siudad sang Bago sa Negros Occidental.Ang isa sa mga lalaki ang naglili pa sa sulod sang punerarya, antes nila ginpangbitbit kag ginkarga ang mga naga tinangkas nga monoblock chairs sa tricycle nga ginamaneho sang isa pa gid ka persona.Mga la-1:46 sang kaagahon nagluntad ang insidente.https://youtu.be/3MExP2o7KMQ?si=DOKgploOe398icfQSuno sa post sang punerarya, color blue kag light yellow ang mga ginkuha nga monoblock chairs. May naka sulat pa nga “LAGUNDAY” sa likod sang mga pulungkoan.Nagalaum ang management sang punerarya nga mahatagan atensyon ang natabo, makilala ang mga suspek kag ma-locat...

Liwat na naman nga magasaka ang bili sang produkto petrolyo matapos ang rollback sang nagligad nga semana.Base sa announcement sang Department of Energy, Martes, las sais sang aga ipatuman ang saka nga P4.69 sa kada litro sang gasolina, P5.18 sa kada litro sang diesel kag P5.58 sa kada litro sang kerosene.https://youtu.be/8NAxCxrhBxs?si=O7Z1oVXKf-mzgp1kSuno sa DOE ang liwat nga saka sa bili ang resulta sang saka man sa presyo sang baligyaanay sang langis sa world market.May kahilabtanan man diri ang nagapadayon nga gamo sa Middle East nga naga apekto man sa baligyaanay sang langis sa world market.

DSWD NIR photoNagdangat na sa P309.6 million ang na release sang Department of Social Welfare and Development nga bulig pinansyal para sa mga magagmay nga mangunguma nga apektado sang RSSI ang ila nga katubuhan.Ini base sa September 4 nga report sang DSWD NIR.Ginsiling ni Arwin Razo, ang regional director sang DSWD NIR nga 30,097 ka mga small sugarcane farmers gikan sa Negros Occidental kag Oriental ang naka baton sang bulig sa idalom sang emergency cash transfer.Ang Negros Occidental ang naka baton sang P255,306,275 nga financial aid kag 24,727 ka mga farmer-beneficiaries ang nagbaton sini.https://youtu.be/dHMgT536irk?si=Fkr1W0NGuWsPUXpaAng banwa sang La Castellana ang may pinaka dako nga allocation. May yara sila sang 4,643 ka farmer beneficiaries.Ang Negros...

Yara na sa gwa sang Philippine Area of Responsibility ang bagyo nga may international name nga Krovanh ukon ang bagyo nga Pilandok.Bisan yara na sa gwa sang PAR ginapabaskog sini sa gihapon ang hangin Habagat nga amo naman ang naga apekto sa Luzon kag Visayas.Martes kag sa Miyerkules, gina paabot nga maga apekto sa gihapon ang Habagat sa Luzon kag sa Visayas.Mangin magal-umon ang kalangitan nga may upod nga lapta-lapta nga pag-ulan ang Visayas nga naga lakip sang Negros.Ginapaandaman ang publiko nga naga puyo nga malapit sa mga suba kag nanubuan nga mga lugar nga mag ulu-aligmat batuk sa baha kag mangin mabinantayon kontra naman sa landslide.

Indi maayo sa negosyo ang padayon nga brownout nga gina ekpseriensya karon sa probinsya. Ini suno kay Negros Occidental Governor Eugenio Jose Lacson nga nagpahayag man nga apesar sang sitwasyon wala pa man sang power crisis.Ma medyusan man sang mga negosyante ang epekto sang padayon nga brownout sa pag gamit sang ila nga mga generator set, pero dugang ini nga gasto suno sa gobernador.Nahangpan naman sang tanan nga ang problema indi sa distribution kundi mismo sa supply sang kuryente.Madamo sang generator ang naguba ukon wala naga operate sa karon kag naga laum siya nga sa indi madugay tigayon nga maka balik operate ang mga power generators.Wala man sang baseload supply ang Negros Occidental, suno kay Lacson, maga pabilin ang probinsya sa pag duso sang renewable energy kag m...

Padayon ang maid-id nga monitoring sa air quality index sa mga lugar sa probinsya sang Negros Occidental.Sa 12nn nga report sang Environmental Management Bureau Negros Island Region, nangin fair na ang hangin sa banwa sang La Castellana.Sa 8am nga monitoring report sang EMB sa amo nga banwa, yara sa ‘very unhealthy’ level ang hangin.Sa 12nn nga report, nangin fair naman ang air quality level sa La Carlota City kag naga pabilin nga good ang air quality index sa Canlaon City.https://youtu.be/k2MtGMdym44?si=Mj2ocH0_3h4Ebsm6Sa 8am nga report sang EMB ang Bacolod City ma yara sang ‘very unhealthy’ nga air quality index.Ang Negros Occidental isa sa mga lugar sa pungsod Pilipinas nga apektado sang haze nga gina lantaw tuga sang sunog sa Indonesia.Padayon ang abiso sa...

Guilty ang pamatbat sang korte sa kaso nga illegal possession of firearms and explosives batuk sa tatlo ka mga gunmen nga imbolbado sa Pamplona massacre sa Pamplona sa Negros Oriental ukon ang pagpatay sa ila nanday Negros Oriental Governor Roel Degamo kag siyam ka iba pa.Sa post ni Negros Oriental 3rd district Representative Janice Degamo, tiayon sang napatay nga gobernador, ang duha sa tatlo nga napamatbatan guilty kag gin sentensyahan sang reclusion perpetua ukon tubtob 40 ka tuig nga pagka bilanggo.Gin-ako sang kongresista nga bisan ano pa nga desisyon sang korte indi na mabalik pa ang kabuhi sang iya nga mister kag indi naman madula ang pagantus sang pamilya sang pamilya sang mga ginpatay.https://youtu.be/NSo2jc0ZORU?si=iScRL3lXZ02GBlE8Sa gihapon nagapasalamat siya s...