Masami nga naga-walking ang 69-anyos nga babaye sa Circumferential Raod sakop sang Villa Socorro Subdivision sa Barangay Taculing, Bacolod City, apang sang Domingo sang aga, siya ang nalapakan sang awto nga ginamaneho sang isa ka college student.
Nagwa sa imbestigasyon nga gikan sur kag padulong norte sang Circumferential Road ang Honda City Sedan sang nabungguan sini ang nagtabok nga senior citizen nga residente sang Espinos Village sa Brgy. Taculing.
Dead on the spot ang pedestrian.
Ginamaneho ang awto sang 18-anyos nga lalaki, taga Barangay Alijis sa Bacolod.
Ginsiling ni Police Major Elmer Bonilla, pamuno sang Bacolod Traffic Enforcement Unit, naka-detain sa Station 6 ang driver kag subong nga Lunes sang hapon, ipasaka sang pamilya ang kaso nga reckless imprudence resulting in homicide batuk sa soltero.
[sibwp_form id=1]