Monday, November 16

15 anyos nga dalagita nasapwan nga patay sa suba

Nasapwan ang lawas sang Grade 9 Junior High School student nga naga-utaw-utaw sa Himoga-an River, sakop sang Purok Balod, Barangay Campo Himoga-an sa Sagay City, mga las 6:00 sang aga, Lunes, Nobyembre 16.

Base sa inisyal nga imbestigasyon, posible nga nalumos ang 15-anyos nga biktima bangud mga tres kilometeros sa ibabaw sang suba kung diin nasapwan ang bangkay, may yara sang lugar nga masami ginapaliguan sang mga tawo.

Dako ang posibilidad suno sa PNP nga gin-anod ang biktima sang daludo sang tubig paidalom.

Suno sa pulis, wala sang may nakita nga foul play kag wala man sang indikasyon sang pagpamintas sa lawas ang biktima.

Gindala sa Alfredo E. Marañon Sr. Memorial District Hospital ang estudyante kun diin siya ang gindeklarar nga patay.

[sibwp_form id=1]
Secured By miniOrangeSecured By miniOrange