Balita Hiligaynon

Sa El Niño Advisory nga gin pa gwa sang Department of Agriculture - Negros Island Region, may 11,351 ka ektariya sang talamtanan sang humay ang gina siling susceptible ukon mahimo maigo sang drought ukon pag mala sang duta bangud sang El Niño.Suno sa DA-NIR, sa datus nga gin-release sang PhilRice-PRiSM, National Irrigation Administration kag Bureau of Soils and Water Management, 278 hectares sang humayan ang highly susceptible sa drought. Ini nga mga lugar ang yara sa Siaton, Bayawan kag Tayasan sa Negros Oriental kag Himamaylan kag Kabankalan sa Negros Occidental.2,535 hectares naman ang moderately susceptible. Ini ang yara sa Dauin sa Negros Oriental.8,539 hectares ang ginakabig low to moderately susceptible.Ini ang naga lakip sang 18 ka mga banwa kag siudad sa Negros Occ...

Makabig na sang PNP nga “case closed” ang kaso sang 31-anyos nga babaye nga napatay matapos gintapungol sa ulo sang iya live-in partner bangud sang selos sa ila balay sa Barangay 3, San Carlos City sa Negros Occidental sang Lunes.Ginsiling ni Police Captain Rodney Sarona, deputy chief sang San Carlos PNP, nga antes sang insidente, nakainom ang 33-anyos nga suspek sang naglalisay ang mag-partner bangud nagapangimon ang lalaki.Ginsumbag niya ang babaye nga nangin rason sang pagkatumba sini.Gindala sa San Carlos Doctor’s Hospital ang biktima apang siya ang napatay.Nagsungka sa San Carlos PNP ang suspek kag siya ang napasakaan na sang kaso nga homicide, in relation to Republic Act 9262, ukon ang Anti-Violence Against Women and Their Children Act of 2004.Ang biktima ang pito...

Nakalapak sang bato kag nagdiretso sa center island tubtob nga natumba ang motorsiklo nga ginamaneho sang 56-anyos nga lalaki sa atubang sang C Cube Construction sa dalan Araneta, sakop sang Barangay Pahanocoy sa Bacolod City, Martes sang gab-i.Bangud sang impact, dead on the spot ang biktima nga si alyas “Wilson”, taga Barangay Mambulac sa Silay City, Negros Occidental. Siya ang nag-agum sang pilas sa ulo.Sakay sa motor si “Wilson” kag padulong sa norte sang Araneta Street sang nagluntad ang insidente.Nagwa sa imbestigasyon sang Bacolod Traffic Enforcement Unit nga nadulaan sang control ang rider sang nakalapak ini sa bato rason nga nag-arangka ang iya motor sa center island kag natumba.

Nangin isa ka trahedya ang masadya kuntani nga birthday party matapos nalumos ang isa sa mga bisita nga nagapaligo sa swimming pool sa isa ka resort sa Hacienda Paz, Barangay Po-ok sa banwa sang Hinoba-an.Upod sang 3-anyos nga biktima ang iya tiya kag duha ka mga paka-isa nga nagtambong sa selebrasyon nga ginhiwat sa resort.Nagwa sa imbestigasyon nga ginabantayan sang tiya ang iya hinablos nga nagapaligo sa pool, apang nalingat ini kag nakibot sang gulpi lang nalumos ang biktima.Gintinguhaan pa nga i-revive ang bata antes gindala sa ospital apang siya ang gindeklarar nga dead on arrival.

Maestro Bumbero photoGintupok sang kalayo ang isa ka balay sa Purok Busay Barangay Cabug sa Bacolod City Martes sang gab-i.Nag-gwa sa inisyal nga imbestigasyon sang Bureau of Fire Protection nga nag-inaway ang mag-asawa nga naga-istar sa amo nga balay antes pa magsugod ang kalayo.Dugang pa sang BFP nga nag mauy ang lalaki kag didto na gilayon nagsugod ang kalayo.Wala paman matumod sang otoridad kun ano gid ang ginhalinan sang sunog ukon ginhungod gid man sunog ang balay bangud nagapadayon pa ang imbestigasyon.Wala man sang may napilasan sa mag-asawa kag sa tatlo nila ka mga kabataan bangud sa sunog.Madasig nga gintupok sang kalayo ang balay bangud ini ang himo sa mga bagay nga madasig masunog. Yara lamang sa 1,500 pesos ang estimated damaged suno sa BFP.

Ginsiling ni Bacolod Transport and Traffic Management Department Head Atty. Reuben Mikhail Sabig nga may tatlo na ka traffic enforcers sang Bacolod ang gin-deputize sang Land Transportation Office.Bangud sini, sarang na nga makapangdakop ang ini nga mga enforcers sa mga nagalapas sa national traffic laws.Ang BTTMD ang sarang lamang magpatuman sang mga traffic regulations nga nakasaad sa mga ordinansa sang siudad, apang bangud sang deputization, sarang na nga maka issue sang citation tickets gikan sa LTO ang tatlo ka enforcers.Suno kay Sabig, nagsugod ang deputization bangud sa pangabay man sang LTO sa ila nga buligan sila sa pag-check sang mga registration sang mga pribado nga salakyan.Dugang pa niya, maga-focus ang tatlo ka enforcers sa pag panakop sang mga nagabiyahe sa d...

Lapus Lapus Bulanon Floating Cottage Association photoHalin sa 47 ka mga entries nationwide, ang community-based tourism initiative sa Lapus-Lapus Macapagao Local Conservation Area ang kabahin sang top four finalists sa Best Practices in Community-based Tourism, Component City para sa ATOP Best Tourism Practices Pearl Awards 2026.Ang entry nga gin tig-uluhan “A Maze of Wonders, A Lifeline for All: The Lapus-Lapus Community-based Tourism Story," ang naga pakita sang dedikasyon sang komunidad para sa sustainable tourism, biodiversity conservation kag inclusive economic opportunities para sa mga fisherfolks kag mga residente.Sa Lapus-lapus, ang mga mangingisda sadto ang sa karon naga panag-iya sang mga floating cottages nga gina kadtuan sang mga turista para manginaon sang sea fo...

Nagpasalig ang Department of Energy nga ginahimo nila ang tanan agud mangin estable na ang power supply sa Visayas grid pinaagi sa pagbalik sang operation sang mga planta nga napaidalom sa maintenance kag pag dugang sang power supply halin sa Mindanao.Suno kay DOE Secretary Sharon Garin, ang pinaka mahal nga kuryente amo ang wala gid sang supply sang kuryente.Dugang pa niya indi mabatunan ang sitwasyon sa Visayas nga sinemana na nga adlaw adlaw naga bulos-bulos nga mga brownout.Damlag pa ginsiling na ni Negros Occidental Governor Eugenio Jose Lacson nga indi manami para sa mga Negosyo ang amo sini nga sitwasyon.https://youtu.be/V6QBWBpIoPQ?si=N2dlPuPt0btOHCWrKulang ang power supply sa Visayas gani adlaw-adlaw nga ginapaidalom sa Yellow kag Red Alert ang Visayas.Ki...

Bacolod Lone District Representative Alfredo Abelardo Benitez luyag nga mausisa ang mga power outages sa Visayas. Samtang, 3rd District Representative Javier Miguel Benitez kag 11 ka iban pa nga mamalidha, ang luyag nga mausisa ang reserve charges nga gin bayaran sang mga konsumedor.Nag-file si Deputy House Speaker kag Bacolod Congressman Albee Benitez sang resolution nga naga direct sang House Committee on Visayas Development sa pag investigate sang naga lala nga power crisis sa Visayas grid.Nag pabutyag sang pag ka alarma si Benitez sa sitwasyon. Iya ginsiling nga ang pirme nga rotational brownout sa Visayas region ang nag lawig na gikan sa mga isa ka oras nagadangat na sa lima tubtob siyam ka oras.Naga tuga ini sang direct economic loss sa mga negosyo, naga apekto sa mga kla...

Ginsiling ni Bacolod City Legal Officer Karol Joseph Chiu, nga sang Lunes nga adlaw ila na ginpakakas ang lima ka hayob-hayob nga yara mismo sa kilid sang 4th-Lacson Streets.Apang Martes sang aga, may mga nabilin pa nga parte sang hayob-hayob kag may mga tulog sa higad sang dalan.Suno kay Chiu, may ara gid sila sang kabudlayan sa pagtinlo sang dalan, bangud matapos na nga ma clear ang lugar, nagabinalik man sila sa gihapon.Dugang niya, magluwas nga hugot nga ginadumilian ang pag-istar kag pagbaligya sa kilid sang dalan, makita man ang kahigko sang lugar.Sa karun, ginalantaw sang siudad ang posibilidad nga mahatagan sang salaylohan ang mga naga-istar sa lima ka hayob-hayob.Samtang, kadungan sang ila operasyon sang Lunes, liwat man nga ginpahalin sang enforcement team ang...