Luyag pa kuntani sang pamilya sang empleyado sang Bacolod City Legal Office nga nakuhaan video nga nagapangkuha sang baligya sang isa ka vendor sa Libertad Market nga magpasaka sang kaso batuk sa uploader sang video, apang ginhaylo na sila sang CLO nga indi na pagdayunon ang pagpasaka sang kaso.
Ini matapos nga ginklaro mismo sang tag-iya sang baligyaan kun sa diin na kuhaan video ang isa ka Job Order Employee sang CLO, nga nagbayad ang natungdan antes paman ini nakuhaan video nga nagakuha sang mga utan kag panakot.
Ginsiling ni City Legal Officer Karol Joseph Chiu nga nagareklamo ang pamilya sang empleyado bangud nagaka-apektohan man ang grade 7 nga bata sini.
Ini ang suno sa ila ang rason kun ngaa luyag nila magpasaka sang kaso. Apang, ginkasugtan na sang pamilya kag CLO nga indi na ini padayunon.
Dugang ni Chiu, ang pag pasakaay sang kaso ang wala nagapakita sang maayo nga pang-gobyerno nga ginaduso sang siudad. Bukas man ang siudad sa mga reklamo sang publiko.
Naga panawagan man ang siudad sa publiko nga i-verify anay ang mga impormasyon tuhoy sa mga kaangay nga insidente, antes ini ipost online.
[sibwp_form id=1]