Batang Pinoy 2026 sa Bacolod City ang gina paabot mangin pinaka daku nga Batang Pinoy sa maragtas sang amo nga hinampang.
Ini suno kay Philippine Sports Commission Chairman John Patrick Gregorio nga yara karon sa siudad para sa final coordination meeting antes sa hinampang nga natalana sa December 12 tubtob 18.
Ilakip ang athletes, coaches kag officials, 36,000 ang gina paabot mangin kabahin sang delegation gikan sa nagkalain-lain nga bahin sang Pilipinas.
Ang opening ceremonies ang patigayunon na sa Panaad Park and Stadium. Nagsapol na ang tiglawas sang siudad kay Governor Eugenio Jose Lacson angut sa pag gamit sang Panaad indi lamang para sa opening ceremony sa December 12, kundi bilang venue man sang pila ka mga sporting events sang Batang Pinoy.
Kay kadungan man sa Batang Pinoy 2026 opening ang Metro Manila Film Festival Parade of Stars and Smiles sa Bacolod, suno kay Secretary to the Mayor, Jose Marty Go, mangin kabahin sang opening program sa Panaad ang paghapit sang mga artista.
Pila sa mga kumpirmado nga yara amo sanday Bossing Vic Sotto, Julia Barreto, James Reid. Mismo sa December 19, may musicfest sa Bacolod City Government Center kun sa diin ang maga perform ang Itchy Worms kag Alamat.
Dugang pa ni Go kasubong nga daw MassKara Festival ang mangin selebrasyon sa Bacolod kun sa diin may mga ipahamtang mga mga booth kag activities sa Bacolod City Government Center, Bacolod Public Plaza kag the Upper East sang Megaworld.
[sibwp_form id=1]