Ginpangkakas sang Bacolod City Legal Office Enforcement Team ang kapin sa 20 ka mga baligyaan kag mga istruktura nga nagasablag na sa dalan sa Father M. Ferrero kag Rizal sakop sang Barangay 12.
Ginsiling ni City Legal Officer Karol Joseph Chiu nga ang operasyon ang sandig sa City Ordinance 338 ukon Comprehensive Traffic Ordinance, ukon ordinansa nga nagamandu nga ipabilin ang katawhay sang mga dalan.
Apang sang ginbisitahan sang CLO ang lugar, nakita ang nagtumpok nga mga baligyaan, rason nga gin pangkakas nila ang mga ini bangud wala man sila sang special permit gikan sa siudad.
Magluwas sang mga ginpangkakas nga estruktura, may nakita man sa dalan nga nagasagod sang pato, bagay nga suno sa siudad nagapakita nga kinahanglan ma tutukan ang sanitation sa lugar.
Dugang ni Chiu, ginalantaw man sang CLO ang pagpanghawan sang mga sidewalks nga malapit sa mga billeting areas sang Batang Pinoy 2026 agud masiguro nga safe ang mga magabisita sa siudad sa mga dalanon.
[sibwp_form id=1]