Thursday, November 19

Pagsulod sang kawatan sa isa ka apartment nakuhaan sang CCTV

Nakuhaan sang closed-circuit television camera footages ang pagsulod sang lalaki sa isa ka apartment sa Fortune Towne, Barangay Estefania sa Bacolod City, mga pasado las kwarto sang kaagahon sang Martes.

Pahayag sang renter nga nakabugtaw ini kag nakita nga nagataklas sa sliding window ang lalaki kag hana malagyo. May bitbit nga kutsilyo ang lalaki.

Suno sa biktima, wala sini ma-lock ang ila bintana.

Nakasuksok ang lalaki sang itom nga jacket, pula nga kalo, black pants kag tsinelas.

Ginsiling sang biktima nga matapos sang insidente, nadula ang iya cellphone nga nakabutang sa kwarto.

Nagpadulong na sa Station 4 ang biktima agod ipa-record ang insidente kag nagapangayo ini sang bulig sa publiko agod nakilal-an ang suspek.

[sibwp_form id=1]
Secured By miniOrangeSecured By miniOrange