Thursday, November 19

Suspendido sa sulod sang isa ka tuig ang lisensya sang driver sang SUV nga indi mag palabay sa modern jeepney

Nag pagwa sang desisyon ang Land Transportation Office – Negros Island Region nga i-suspend ang lisensya sang driver sang Ford Everest sa sulod sang isa ka tuig bangud sang reckless driving.

Nag viral ang video sang SUV matapos nga ginbalabagan sini ang modern jeepney nga makalabay sa may Barangay Mansilingan sa Bacolod sang nagligad nga bulan.

Depensa sang driver, gin sumbag kuno sang konduktor ang iya salakyan kag ginpilit buksan ang puertahan gani para indi makapalagyo samtang naga hulat sang pulis iya ini nga gin lambatan.

Pero suno sa LTO, ang public highway indi lugar para sa ginatawag nga vehicular vigilantism ini base sa Section 48 sang RA 4136.

Ang salakyan indi pwede gamiton nga barikada kag ibutang sa delikado nga sitwasyon ang kabuhi sang mga pasahero, pedestrian kag iban pa nga motorista.

Kuntani suno sa LTO, ginkuha niya lang ang plate number sang salakyan kag gin-report sa otoridad imbis nga balabagan ang alagyan gamit ang salakyan.

Ginpa surrender na sa driver ang iya lisensya para sa one year suspension kag gin multahan sang P2,000 bilang first offense sa reckless driving.

[sibwp_form id=1]
Secured By miniOrangeSecured By miniOrange