Balita Hiligaynon

Ginsiling ni Land Transportation Office-Negros Island Region chief Jeck Conlu nga ila pagatinguhaan subong nga adlaw nga i-serbe ang show cause order sa registered owner sang Nissan Terra SUV nga nalagyo kag wala magbayad matapos nagpatughong sa isa ka gasoline station sa Barangay Taculing sa Bacolod City.Natabo ang insidente sang Miyerkules, kag nabaton sang LTO ang video pati na ang reklamo sang Huwebes, Abril 16.Suno kay Conlu, nakilal-an na ang registered owner sang SUV kag ang address sini.Ang insidente, na-record sang CCTV sang gasoline station kag natandaan man sang staff ang plate number sang SUV.P6,000 ang ginpatughong sang driver sang SUV.Kun ma-serbe na ang show cause order, may lima ka adlaw ang registered owner nga magpaathag sa insidente.Ikaduha na ini...

Nangin tensyonado ang ginpatigayon nga clearing operation sang City Legal Office sa Libertad Market kaina sang aga.Napilitan ang enforcement team nga kuhaon ang mga payong, lamesa pati na mga baligya sang mga wala naga sunod sa ginpatuman nga mga limitasyon.May report si Richard Caballero.*

Nagapabilin nga mataas ang sales sa Panaad sa Negros Festival. Samtang, karon na sa gab-i mahibaluan kun sin-o ang koronahan bilang Lin-ay sang Negros.Sa ika-apat nga adlaw, masobra sa P3.7 million ang benta gikan sa Panaad sa Negros Festival. Kun ipaanggid sa Panaad sa Negros sang 2025, masobra sa P1.7 nga mas maatas ini. Humalin sa first day, masobra na sa P6.8 million pesos ang benta.Sa pihak nga bahin, karon na sa gab-I mahibaluan ang kun sin-o sa 32 ka mga Lin-ay candidates ang koronohan nga Lin-ay sang Negros 2026.Ang maga daug ang maga tiglawas sang Negros Occidental sa Miss World Philippines.Ini man ang nahauna nga tion nga kumpleto nga may kandidata ang 32 ka mga LGU.Host sang pageant karon amo sanday Kapamilya Robi Domingo kag Dani Dingcong.Guest performer...

Kun ibase sa apat ka adlaw nga trading sa world market, mangin masobra sa P18 ang i-rollback sa bili sang kada litro sang diesel sa madason nga semana.  Masobra sa P3 naman sa gasoline kag P3 pesos sa kerosene.  Mas mataas ini sang sa projection sang kahapon nga adlaw.Isa na lang ka trading day ang ginahulat para tigayon na mahibaluan kun pila gid ang rollback sa bwas pero base sa nangin lakat sang presyo sa world market sigurado na nga may yara gid sang rollback sa next week.  Sa madumduman nga naglab-ot na sa halos isa ka gatus ang ginsaka sa kada litro sang diesel antes ini nag sugod panaug sang nagligad nga semana.

Gin anunsyo sang Land Transportation Office nga pinaagi sa Memorandum nga ginpagwa sang kahapon, gin-extend ang validity sang importante nga mga transport documents nga ma expire sini nga April 2026 sa tatlo ka bulan gikan sa ila sini nga mga expiry dates.Ang ini nga mga dokumento ang naga lakip sang Driver’s Licenses, Conductor’s Licenses, Student-Driver’s Permits, kag Motor Vehicle Registration. Wala sang may ipatuman nga penalidad sa mga late renewal sa tion sang extension period.Ang ini nga tikang ang pagsunod sang LTO sa Department of Transportation directive sini nga April 2026 sa pagdeklarar sang State of National Energy Emergency, nga naga pasiguro nga matagaan sang tion ang publiko nga mag proseso sang sini nga mga dokumento nga wala sang dugang nga palas-anon.Tana...

Senador JV Ejercito ang nag file sang resolution nga naga duso sang pag patigayon sang inquiry angut sa gina alegar over importation sang kalamay.Sini lamang si Ejercito ang nagsapol sa mga sugar groups sa iya nga pagbisita sa Negros.Naka saad sa gin-file nga resolution ni Ejercito nga gina direct ang senate committee on agriculture, food and agrarian reform nga maga pagtigayon sang inquiry, in aid of legislation, sa gina alegar over importation sang kalamay kag sa epekto sini sa local sugar industry.Tuyo sini nga mapangapinan ang palamugnan sang mga local producers kag farmers kag pag paseguro sang patas nga market condition kag pag duso man sang balanse kag sustainable nga sugar policy.Ini sa tunga sang reports nga nabaton gikan sa mga stakeholders nga nag pa butyag s...

Duha ka gin-alegar drug courier kag isa ka drug personality ang nakuhaan sang masobra P1.8 Million nga balor sang suspected shabu sa duha ka separado nga buy-bust operations sa siudad sang Bacolod, Miyerkules sang gab-i.Una nga nadakpan sa Purok San Roque, Barangay Tangub ang duha ka mga gin-alegar drug courier nga sanday alyas “Ar”, 26-anyos kag alyas “Van”, 38-anyos, pareho nga taga La Carlota City.Nakuha sa ila ang masobra isa ka milyon ka pesos nga ginasuspetsuhan shabu, cellphone, buy-bust money kag motorsiklo.Samtang, nadakpan sang katapo sang City Drug Enforcement Unit ang 22-anyos nga tricycle driver sa buy-bust operation sa Purok Lampirong, Barangay 2, kon sa diin nakuha sa iya ang masobra P800,000 nga balor sang suspected shabu.*

Arestado ang 47-anyos nga lalaki matapos magbaligya sa poseur-buyer sang pusil, kabaylo sang boodle money, sa Barangay Aguisan sa Himamaylan City.Tatlo ka mga pusil ang narekober sa suspek, nga taga Barangay Enclaro sa banwa sang Binalbagan.Suno sa Negros Occidental Maritime Police Station, nagsupak ang suspek sa Republic Act 10591 ukon Comprehensive Firearms and Ammunition Regulation Act.Ang suspek kag ang mga nakumpiskar nga pusil ang gindala sa Criminal Investigation and Detection Group Bacolod City Field Unit.*

Ginkumpirmar ni Bacolod City Lone District Representative Alfredo Abelardo Benitez nga sal-on sang Social Housing Finance Corporation ang Yuhum Housing agud madayon ang pagpatindog sang 25 ka mga buildings sa Bacolod.Ang Social Housing Finance Corporation, isa ka ahensya sa idalom sang Department of Human Settlement and Urban Development.Ini ang sabat sang kongresista matapos nga nag-isol ang Scheirman Construction Consolidated Incorporated sa ila nga Joint Venture Agreement sa siudad.Suno sa developer, imbis nga 25, walo nalang ang masarangan nila nga ipatukod bangud sa ginapangatubang nga krisis sang pungsod.Kun mahuman na sang Schierman ang walo ka buildings, ang 17 nga nabilin, SHFC na ang magapadayon.Suno kay Benitez, kinahanglan nga mag convene anay ang amo ng...

Masobra sa 1,700 ka mga jeepney drivers sa siudad sang Bacolod ang magabaton sang isa ka libo ka pesos nga fuel subsidy card gikan sa opisina ni Bacolod City Lone District Representative Alfredo Abelardo Benitez.Ginsiling ni Benitez nga ang tagsa ka mga benepisyaryo ang makakuha sang duha ka fuel subsidy cards nga nagabalor kinyentos pesos ang isa.Ini ang sarang nila ma redeem sa isa ka designated gasoline station nga yara sa tagsa nila ka mga ruta.Ginklaro man sini, nga ang tanan nga pwedi makakuha sang amo nga benepIsyo ang mga consolidated jeepneys lamang ukon ang mga nakarehistro sa Land Transportation Franchising and Regulatory Board.Kapin sa 2 million pesos ang ginpagwa nga kwarta sang kongresista para sa amo nga programa. Ang pondo ang nag gikan mismo sa iya nga ...