Balita Hiligaynon

Pamuno sang United Negros Drivers and Operators Center ukon UNDOC nagareklamo sang suno sa iya pagpang harass sang pamuno sang Sectoral Concerns Office.Ini kasunod sang pag-upod niya sa pagpamatuk kontra sa surveillance targetted testing sa mga vendors.Ang amo nga alegasyon ang ginhimutig naman.Isa si Diego Malacad sa mga humalambal sang ginpatigayon sang pila ka mga vendors sa libertad public market ang aksyon protesta kontra sa surveillance targetted testing sadtong oktubre 10.Ini ang suno sa iya nangin rason sang pag pang harass sa iya sang pamuno sang Sectoral Concerns Office. Sa mga media reports, suno kay malacad gin tudlo siya nga nagalabugay sa amo nga hilikuton.Paathag ni Malacad gin imbitar lang sya nga maghambal kag antes pa man ginsakdag ang rally gintipon n...

1,376 ang nawad an sang obra sa pag sirado sang 108 ka mga kumpanya.Samtang 4,770 naman ang nakakas sa trabaho bangud sang pagpamuhin sang empleyado sa bug-os nga rehiyon sais.Ini ang base sa data gikan sa Department of Labor and Employment Region 6.Sa Negros Occidental kag sa Bacolod sa kabilugan 2,518 ang nakakas sa trabaho gikan sa 274 ka mga kumpanya.1,113 ang nadulaan sang obra gikan sa 62 ka mga kumpanya nga nagpanirado samtang 1,505 naman ang nakakas sa trabaho bangud sang pagpamuhin sang tawo sa 212 ka mga kumpannya ukon ulubrahan.Kalaban sini sa ila gikan sa administrative and supoort service activity, tourism industry kag manufacturing.Gina tun-an pa sang DOLE kun ano ang mahimo igatag nga bulig sa mga nawad sang trabaho.

Gikan sa isa ka Low Pressure Area, nag-develop na sa isa ka Tropical Depression si “Pepito” mga alas dos kaina sang kaagahon.Base sa 5AM Severe Weather Bulletin sang PAGASA, ang bagyo ang may dala nga 45 km/h nga maximum sustained winds kag may pagmadlos nga 55 km/h.Ini ang nagapadulong sa direksyon nga West Northwestward sa kadasigon nga 20 km/h.Wala sang tropical cyclone wind signal nga ginpasaka ang PAGASA pero magadala ini sang ulan sa bahin sang Visayas kag Mindanao.Ginabulubanta nga magabiya si Pepito sa Philippine Area of Responsibility sa Miyerkules.

Naka record sang 13 ka bag-o nga kaso sang COVID-19 ang probinsya sang Negros Oriental, 8 diri ang local transmission.Sang nagligad lang nga semana nanaug sa anum na lang ang active cases sang probinsya, pero karon, nag saka naman ini sa 28 active cases.Ginatudlo sang netizens nga nag sugod ang local transmission bangud sang nagpauli nga APOR gikan Manila, nga isa ka empleyado sang probinsya.Sa datos sang Negros Oriental IATF, ang lima ka bag-o nga mga local transmission ang yara sa banwa sang Zamboanguita. Sila tanan ang direct contact ni Patient 198 nga direct contact naman sang APOR nga provincial employee.Tatlo naman ang local transmission nga kaso sa siudad sang Dumaguete. Duha sa ila ang direct contact sang APOR kag ang isa, misis sang direct contact man sang APOR....

Humalin sang Agosto, bag-o lang naka bukas sa adlaw sang Domingo ang tatlo ka mga dalagko nga merkado sa Bacolod.May pila ka mga vendors ang nag abi-abi sang liwat nga higayon nga maka baligya sa adlaw nga masami gina dagsa sang naga panindahan.Sa Libertad South Public Market, ang dry goods vendor nga si Gevelyn Valenzuela nagsiling nga may mga nagbakal gid man sa iya sang temprano pa. Pero sang maabtan sang Digicast Negros mga alas onse sang aga iya na lamang gina hulat ang iya nga kabulig para maka panira na siya.Wala na sang bumalakal suno sa iya.Ang mga manugbaligya naman sang karne sa sulod sang merkado nagsiling nga tuman man ka hina sang baklanay.Pila man abi ka Domingo suno sa ila nga sirado ang merkado kag ulihi na man lang napahibalo ang publiko nga liwat maga buk...

Isa ka 34 anyos nga babaye nga taga Brgy. 6 ang pinaka una nga nagpositibo sa COVID-19 sa Kabankalan City nga napatay.Sa datus sang Kabankalan City Health Office nagsugod ubo kag nag eksperiensya sang kabudlayan sa pag ginhawa ang 34 anyos sadtong Oktubre 12.Mismo sang hapon sang amo nga adlaw nag pa check up siya sa pribado nga ospital.Aga naman sang Oktubre 13, sya ang nagbalik sa pribado nga ospital kag nagpadulong naman sakay sa kaugalingon nga tricycle sa government hospital matapos gin-refer didto para mag pa x-ray.Oktubre 14 , las singko sang aga nagbalik siya sa pribado nga ospital kag naghinyo nga mag pa admit, pero siya ang gin-refer sa lain naman nga pribado nga ospital.7:32AM na-admit ang pasyente sa pribado nga ospital kag ginpaidalom siya sa swab test....

Subong nga adlaw (October 17) ang pinaka-ulihi nga issue sang The Visayan Daily Star, ang isa sa pinaka-una kag pinakalawig nga community newspaper sa bug-os nga isla sang Negros.Suno sa column sang General Manager sang TVDS nga si Carlo Leonardia sang October 16, 2020 sini nga issue, matapos ang 38 ka tuig nga paghatag sang masaligan kag patas nga mga balita sa komunidad, magapanira ang ila talatapan bangud sang problema pinansyal.Ginpahayag ni Leonardia nga antes pa man ang COVID-19 pandemic, naga amat-amat na diutay ang mga nagabakal sang newspaper kag ang kadam-an ang nagabasa na sang balita sa ila website kag social media page sang libre ukon wala sang bayad.Gindugang pa ni Leonardia nga ginhimo na nila tanan para masalbar ang ila negosyo pati na ang mga empleyado sini per...

Bulan sang Hulyo pa ulihi nga may nag positibo sa COVID-19 sa Dumaguete City.Pero humalin sang Huwebes, may apat na ka dugang nga COVID-19 case ang siudad.Tatlo sa bag-o nga kaso sang COVID-19 sa siudad ang close contact sang authorized person outside residence ukon APOR nga empleyado sang Negros Oriental Provincial Capitol kag ang isa naman ang administrative staff sang City Health Office.Sandig sa press release sang Dumaguete City, may yara sila karon sang 345 ka Persons Under Monitoring kag 15 sa diri ang close contact sang bag-o nga mga nag positibo.Ginpa home quarantine man sang siudad ang 64 pa ka mga close contact sang bag-o nga mga kaso kag 35 tanan ka mga balay sa lima ka barangay sa Dumaguete ang gin lockdown.Sa kabilugan, 62 na tanan ang kaso sang COVID-19 sa...

BFP photoGinmanduan ni Bacolod Mayor Evelio Leonardia ang City Legal Office nga usisa-on kun ano ang kabangdanan sang pagkasunog sang administrative office sang City Mayor’s Office sa Bacolod Government Center sang nagligad nga Oktubre 14.Base sa imbestigasyon sang Bureau of Fire Protection, mahimo electrical in nature ang kabangdanan sang sunog.May mga computers kag CPU sa opisina nga nagkalasunog kag may mga nagkalabasa man nga mga dokumento.Ginabulubanta nagabalor singkwenta mil pesos ang halit sang sunog sa 20 square meter nga opisina.

Adrian Bobe photoNasapwan na lang nga nagahigda sa kilid sang kalog ang anum ka tuig nga bata nga babaye las 10 Huwebes sang gab-i sa Purok Arao, Abada Escay Relocation Site sa Barangay Vista Alegre.Wala na siya sang pang ibabaw nga panapton sang masapwan.Suno kay Police Lieutenant Arlyn Torrendon, chief sang Women and Children Protection Desk sa Bacolod, ulihi nakita ang bata nga nag attend sa isa ka tipon tipon malapit lang sa ila puluy-an sang kahapon.Siya ang nakita pa suno sa pulis sang mga nag tambong sa party nga gina sabak sang 24 anyos nga suspek.Wala na makapauli sang gab-i ang bata suno sa pulis kag nasapwan na lang siya nga naga higda sa kilid sang suba.Patay na sang mag abot sa ospital ang biktima.Suno sa pulis, may mga lagob sa kilid sang mata ang ...