Pamuno sang United Negros Drivers and Operators Center ukon UNDOC nagareklamo sang suno sa iya pagpang harass sang pamuno sang Sectoral Concerns Office.
Ini kasunod sang pag-upod niya sa pagpamatuk kontra sa surveillance targetted testing sa mga vendors.
Ang amo nga alegasyon ang ginhimutig naman.
Isa si Diego Malacad sa mga humalambal sang ginpatigayon sang pila ka mga vendors sa libertad public market ang aksyon protesta kontra sa surveillance targetted testing sadtong oktubre 10.
Ini ang suno sa iya nangin rason sang pag pang harass sa iya sang pamuno sang Sectoral Concerns Office. Sa mga media reports, suno kay malacad gin tudlo siya nga nagalabugay sa amo nga hilikuton.
Paathag ni Malacad gin imbitar lang sya nga maghambal kag antes pa man ginsakdag ang rally gintipon nila ang mga vendors kag ginhaylo nga mag upod sa ginaduso nga testing. Ugaling ila nga ginhinyo ang paghatag dapat sang assistance kag pag-isolate ukon pag quarantine sang mga ginswab kay ang natabo ang mga natungdan ang gilayon man lamang gin pabalik obra.
Pero ang mga akusasyon ang ginhimutig naman ni Ernesto Pineda, ang pamuno sang Sectoral Concerns Office. Bwelta ni Pineda, siya gani ang una nga gin harass.
Kun may mga naga kwestyon naman sang pamaagi angut sa pagpatuman sang surveillance targetted testing sa mga vendors suno kay Dr. Chris Sorongon, ang deputy for medical sang Emergency Operations Center, santo sa protocol ang ila nga ginpatuman nga mga tikang. Ang mga vendors ginpang bahin bahin ukon ginatawag nga pooled group. Ang mga nagpositibo lamang ang gin-isolate kag ang mga close contacts sang nagpisitbo ang ginswab kag ginpaidalom sa 14 day quarantine period.
Wala labot diri luyag man ni malacad nga usisaon sang konseho ang mga katuyuan sang Sectoral Concerns Office, gin-alegar man ni malacad nga may pila ka mga stalls sa annex sang Libertad Market nga mismo ang nagapanag iya mga empleyado sang siudad. Suno kay pineda bukas sya sa ano man nga pagpangusisa pero ginklaro niya nga sa lain naman nga departamento bahin sa pagpanag-iya sa mga bloke sa merkado.
Ginahaylo ni Konsehal Wilson Gamboa ang pagsulat sang grupo ni Malacad sa konseho agud to mahatagan atensyon ang reklamo.
Damlag pa nagpabutyag na si Konsehal Gamboa sang iya nga pagpamatuk man sa pagpaidalom sa testing sang mga vendors bangud suno sa iya ini ang pag usik lamang sang resources sang gobyerno sandig sa DOH memo nga indi na kinahanglan ang mass testing kag ang mga vendors indi man mga pasyente ukon health care worker nga may simptoma – mga grupo nga dapat i prioritze sa testing.