Shadow

34 anyos nga babaye sa Kabankalan City pinaka una nga napatay nga positibo sa COVID-19

Isa ka 34 anyos nga babaye nga taga Brgy. 6 ang pinaka una nga nagpositibo sa COVID-19 sa Kabankalan City nga napatay.

Sa datus sang Kabankalan City Health Office nagsugod ubo kag nag eksperiensya sang kabudlayan sa pag ginhawa ang 34 anyos sadtong Oktubre 12.

Mismo sang hapon sang amo nga adlaw nag pa check up siya sa pribado nga ospital.

Aga naman sang Oktubre 13, sya ang nagbalik sa pribado nga ospital kag nagpadulong naman sakay sa kaugalingon nga tricycle sa government hospital matapos gin-refer didto para mag pa x-ray.

Oktubre 14 , las singko sang aga nagbalik siya sa pribado nga ospital kag naghinyo nga mag pa admit, pero siya ang gin-refer sa lain naman nga pribado nga ospital.

7:32AM na-admit ang pasyente sa pribado nga ospital kag ginpaidalom siya sa swab test.

6:30PM sang amo nga adlaw siya ang napatay.
Oktubre 16 nag gwa ang resulta sang swab test kag ini siya ang nagpositbo sa COVID-19.

Suno sa CHO, nalubong na ang pasyente sandig sa DOH protocol.

Wala sang ginakabig pre-existing health condition ang napatay.
Wala man ini sang travel history.

Padayon subong ang contact tracing.

Secured By miniOrangeSecured By miniOrange