Balita Hiligaynon

Guihulngan City nga may pinakadamo nga kaso sang COVID-19 sa Negros Oriental ang may 34 ka bag-o nga recoveries.Nanaog na lang sa 54 ang active cases sang COVID-19 sa karon sa Guihulngan matapos mag ayu sa balatian ang 34 ka mga pasyente.Wala man sang bag-o nga kaso sang COVID-19 sa siudad.91 ang total COVID-19 cases sa Guihulngan kag apat ang napatay bangud diri.Isa lang ang bag-o nga kaso sang COVID-19 sa Negros Oriental base sa latest COVID-19 bulletin sang Department of Health Region 7.

Video grabbed from Rayner JusnicoGindeklarar sa ospital nga dead on arrival ang driver sang ambulansya sang South Bacolod General Hospital nga si Jessie James Tranilla matapos mabungguan sang isa ka SUV iya ginamaneho nga ambulansya.Sandig sa imbestigasyon sang traffic section sang Police Station 1, nabungguan sang SUV ang ambulansya sa intersection sang dalan Lacson kag San Sebastian, Barangay 32, Bacolod City mga ala una kinse sini nga hapon.Bangud sang kakusog sang pagkabunggo natumba ang ambulansya kag nagbunggo man ini sa isa ka panel van.Gindala man sa ospital ang pasyente sang ambulansya pati na ang nurse kag auxiliary matapos masamaran sa insidente.Gindetain sa police station ang driver sang SUV kag mahimo magapangatubang sang kaso nga Reckless Imprudence Result...

Siudad sang Bacolod ang may 21 na tanan ka mga pasyente napatay bangud sang COVID-19 sini lamang nga bulan sang Nobyembre.Sandig sa record sang Bacolod City Health Office, as of November 10 may dos shentos trentay uno ka mga bag-o nga kaso sang COVID-19 sa siudad kag 21 ang napatay.Base naman sa record sang Bacolod Emergency Operations Center, 147 na tanan ang nagkalamatay kag 344 karon ang mga active cases sa siudad.Ginpahayag ni Bacolod Vice Mayor El Cid Familiaran nga mas huben karon ang edad sang mga nagkalamatay sa COVID-19 sa siudad.Ini bangud suno sa iya, pila sa mga biktima ang wala nagpa swab test sang makabatyag sang mga sintomas kundi nagpadulong nalang sa ospital sang ginbudlayan na sila sa paginhawa.Suno kay Familiaran, indi dapat magkampante ang publiko ka...

Steven John Lee photoPatay ang isa ka Norwegian national nga si Robin Juvic, 35 anyos matapos mahulog sa ginakay-o nga taytay sa Barangay Banilad, Bacong, Negros Oriental ala una sang kaagahon.Sandig sa imbestigasyon sang Bacong PNP, matapos nahulog kag nag rekta si Juvic sakay sa iya nga motor sa naga ilig nga suba.Nalumos suno sa pulis ang foreign national.Patay na siya sang mag abot sa ospital.

Nagpositibo sa COVID-19 si Barangay Punta Taytay Punong Barangay Leah Palma.Ini ang gin kumpirma ni Vice Mayor El Cid Familiaran. Suno sa bise alkalde yara karon sa quarantine facility si Palma.Nag positibo man sa virus ang pila ka katapo sang iya nga pamilya.Sa karon si Kagawad Joyce Tolentino ang naga pungko nga OIC sang barangay.Suno kay Familiaran ang Barangay Punta Taytay ang pang apat sa mga barangay sa Bacolod sa kadamuon sang active COVID-19 cases.As of November 9, sa datus sang Bacolod may 22 ka active cases ang Punta Taytay.Ang Barangay Estefania kag Mandalagan ang nagapanguna nga pareho na may 29 active COVID-19 cases.

Nag punsok sa DSSD Satellite Office sang Bacolod sa dalan San Juan ang mga benepisyaryo sang ayuda para sa pandemic.Na abtan sang Digicast Negros ang pila sa gwa sang talatapan sang DSSD Sattelite office.Wala labot sini may mga nag punsok man sa public plaza.Sa pila nga mga na interview sang Digicast Negros sila ang nakabaton sang text gikan sa DSSD nga naga pahibalo sa ila nga dapat magpadulong sa amo nga talatapan para mag baton sang ayuda.Gikan sila sa nanari sari nga sektor kag wala nakabaton sang ayuda nga damlag pa napanagtag.Si Archie Labsog nga naga byahe sang tricycle nag siling nga alas siete sang aga nagpila na sa siya. Pasado ala una na sang ma interview kag suno sa gihapon wala sang pat od sa tagtaganay.Si Darlyn Porter naman nga isa ka musician nagsili...

Lunes sang aga gin bisita sang Police Station 9 ang mga resort sa Brgy. Punta Taytay sa Bacolod.Sang Domingo nakit an sang pulis sa ila nga pag roving nga tuman ang tawo sa mga resorts kag wala na nasunod pa ang minimum health protocol ilabi na ang physical distancing.Suno kay Lt. Gelbert Batiles, ang OIC sang PS 9, ila nga ginpakamaayo nga liwat ipahanumdom sa resort owners nga sa idalom sang general community quarantine wala pa ginapahanuguton ang pag operate sang mga resorts.Dugang pa niya wala man sang clearance ukon certification ang mga resorts gikan sa Department of Tourism sa pag operate.Wala sila sang closure order para sa mga resort kundi ginpatuman lang ang santo sa quarantine status sang siudad. May isa naman ka bulan nga nag bukas ang mga resort suno sa PNP....

Suno kay Col. Inocencio Pasaporte, ang commander sang 303rd Infantry Brigade sang Philippine Army, 60 sa sini nga mga barangay ang gindeklara nga insurgency free sadtong 2019 tubtob first quarter sang 2020.Sa second kag third quarter naman sini nga tuig may 16 nga nagdugang.Suno kay Governor Eugenio Jose Lacson, may 601 ka mga barangay ang Negros Occidental gani kun lantawon, magamay ukon diutay ini kun ikumpara sa kadamuon sang barangay sa probinsya.Pero, suno kay Lacson nagapakita naman nga posible ang ini nga mga bagay. kun ma aprobahan ang pondo, suno kay lacson sarang magbaton ang mga barangay nga gindeklarar nga insurgency free sang 20 milyones pesos nga pondo nga pwede magamit sa mga proyekto nga makabulig sa barangay.Suno kay Pasaporte sila ang naga hulat pa man san...

Matapos magsaka ang kaso sang COVID-19 sang tinalikdan nga bulan sa Dumaguete City, liwat ini nga na contain sang siudad kag sa karon isa na lang ka active case sang COVID-19 ang nabilin sa Dumaguete.Ginpahayag ni City Health Officer Dr. Maria Sarah B. Talla nga nag negatibo na sa repeat RT-PCR swab test ang isa nila ka kaso nga isa ka gym instructor.Na release naman sa quarantine ang apat ka miyembro sang isa Ka pamilya matapos mag ayu sa balatian.Natapos naman suno kay Talla ang contact tracing sa ila sini mga contacts kag puro nag negatibo tanan sa COVID-19.20 na tanan ang nag ayu sa COVID-19 sa 23 ka kaso sini sa siudad. 2 naman ang napatay.Samtang may 26 naman ka bag-o nga kaso sang COVID-19 sa Negros Oriental. 154 karon ang active cases sang COVID-19 sa bug-os nga...