Lunes sang aga gin bisita sang Police Station 9 ang mga resort sa Brgy. Punta Taytay sa Bacolod.
Sang Domingo nakit an sang pulis sa ila nga pag roving nga tuman ang tawo sa mga resorts kag wala na nasunod pa ang minimum health protocol ilabi na ang physical distancing.
Suno kay Lt. Gelbert Batiles, ang OIC sang PS 9, ila nga ginpakamaayo nga liwat ipahanumdom sa resort owners nga sa idalom sang general community quarantine wala pa ginapahanuguton ang pag operate sang mga resorts.
Dugang pa niya wala man sang clearance ukon certification ang mga resorts gikan sa Department of Tourism sa pag operate.
Wala sila sang closure order para sa mga resort kundi ginpatuman lang ang santo sa quarantine status sang siudad. May isa naman ka bulan nga nag bukas ang mga resort suno sa PNP.
Suno kay Vice Mayor El Cid Familiaran, mahimo nga ang mga resort sa Punta Taytay na confuse ilabi na nga nag bukas naman ang mga resorts sa iban nga banwa kag siudad sa probinsya.
Pero suno kay Familiaran yara sa modified general community quarantine na ang probinsya.
May onse ka mga resort sa Brgy. Punta Taytay kag ini sila ang nagsira. Ang mga kalan an naman sa viewing deck sang Punta Taytay ang sarang mag operate suno sa bise alkalde.