Nag punsok sa DSSD Satellite Office sang Bacolod sa dalan San Juan ang mga benepisyaryo sang ayuda para sa pandemic.
Na abtan sang Digicast Negros ang pila sa gwa sang talatapan sang DSSD Sattelite office.
Wala labot sini may mga nag punsok man sa public plaza.
Sa pila nga mga na interview sang Digicast Negros sila ang nakabaton sang text gikan sa DSSD nga naga pahibalo sa ila nga dapat magpadulong sa amo nga talatapan para mag baton sang ayuda.
Gikan sila sa nanari sari nga sektor kag wala nakabaton sang ayuda nga damlag pa napanagtag.
Si Archie Labsog nga naga byahe sang tricycle nag siling nga alas siete sang aga nagpila na sa siya. Pasado ala una na sang ma interview kag suno sa gihapon wala sang pat od sa tagtaganay.
Si Darlyn Porter naman nga isa ka musician nagsiling nga base sa text 9 am tubtob 5 pm pwede nya ma claim ang iya nga financial assistance pero wala naman sya nakahibalo kun ano na tabo sa sistema.
Nag pakig angut ang Digicast Negros sa pamuno sang DSSD nga si Pacit Tero pero as of press time wala sya nagasabat.