Nag atubang sini nga hapon ang organizers sang Visual Arts Exhibition and Conference ukon VIVA Excon sa Emergency Operations Center sang Bacolod para magpa athag sa natabo sa Art District sang Biyernes sang gab-i.
Nagalapta sa social media ang mga video sang mga naga sinaot kag naga hinugyaw nga mga kabataan nga wala naga suksok sang face mask kag wala naga observe sang social distancing kag ini gina tudlo sang netizens nga parte sang event sang VIVA ExCon.
Pero si Manny Montelibano, director sang VIVA ExCon nag siling nga ang ila event ang opening lang para sa video recording setup para sa VIVA ExCon event nga pagahimuon virtually.
Alas 2 sang hapon ini nagsugod kag tubtob lang alas 5 sang hapon.
Ang pag sinaot sang mga kabataan ang suno kay Montelibano indi na kabahin sang ila nga event kag ang banda nga naga tukar ang iya man sang isa ka restaurant kag indi sa ila nga event.
Ang ila nga gin setup nga set ang suno kay Montelibano posible naka ganyat lang sa mga kabataan nga masami naga padulong sa art district gani sila ang nagpangayo man sang pasaylo.