Balita Hiligaynon

May siyan na karon ka Local Government Unit sa Negros Oriental ang wala na sang kaso snag COVID-19 matapos nag record sang 19 new recoveries ang probinsya kahapon.Ang mga LGU nga wala na sang active nga COVID-19 case amo ang banwa sang Siaton, Dauin, Pamplona, Manjuyod, Bindoy, Tayasan, Jimalalud, Vallehermoso, kag Canlaon City.Nanaog na sa 98 ang active COVID-19 cases sa Negros Oriental.Ang Dumaguete City amo sa gihapon ang may pinakadamo nga active COVID-19 cases sa probinsya. 36 ang active cases karon sa siudad.Gani sumugod subong nga adlaw gin re-activate naman sang Dumaguete City ang ila nga quarantine control points para mas mapabakod ang pagpatuman sang local health protocols agud malikawan ang pagdamo pa gid sang kaso sang COVID-19 .

Binalbagan PNP photoNasapwan nga patay ang 33 anyos nga tractor driver nga si Bryan Lanojan kahapon sang kaagahon sa Barangay San Jose sa banwa sang Binalbagan.May madamo nga buno sa lawas ang bangkay sang biktima.Sandig sa imbestigasyon sang Binalbagan PNP, ang biktima ang nag inom upod sang iya duha man ka kaupod nga naga trabaho sa hacienda Martes sang gab-i.Suno sa pulis, nag away sang amo nga gab-i si Lanojan kag sang suspek nga Elmer Tabuga bangud lang sa natiklod ni Tabuga si Lanojan kag namumo ini samtang naga pangihi sila.Ginpapuli na sang ila sa ka upod si Tabuga kag ang biktima amo na lang ang nabilin nga nagtulog sa ila nga barracks.Pagka aga siya ang nasapwan na lang nga patay.Ang suspek ang suno sa pulis nakita pa pag ka aga sa waiting shed malapit...

Luyag ni Princess Eleine nga isa ka stranded individual nga mahatagan sang paathag ang natabo kag ang pamaagi sang pagsugat sa ila gikan sa Tabuelan, Cebu sang lokal nga panguluhan sang Cauayan.Ini suno sa iya ang rason, nga iya ini gin post ang insidente sa iya nga Facebook account.Makit-an sa litrato kag video ang mga, suno kay Princess Eleine, LSI nga naga ginutok sa likod sang boom truck.Las dose sang udto tubtob la una sang hapon sang Nobyembre 28, yara na sila sa puerto sang Tabuelan, Cebu, sandig man sa abiso sang lokal nga panguluhan sang Cauayan.Las 8 sang gab-i na suno kay Princess Eleine nag-abot ang sugat nga wala nila ginalauman nga boom truck.Las 3 sang kaagahon na sila nag-abot sa puerto sang Escalante, Negros Occidental, suno sa iya.Gikan sa Escalant...

Sa Sagay City, tribal leader sang isa ka grupo sang badjao ang nag positibo sa COVID-19.Suno sa action officer sang Inter-Agency Task Force sang Sagay City nga si Atty. Ryan Bonghanoy, ginpaidalom sa swab test ang 38 ka mga badjao sa lugar angut sa programa sang provincial government nga sila ang pabalikon sa ila nga lugar.Suno kay Bonghanoy, ang tribal leader lamang ang nagpositibo kag gilayon nga na isolate ang iya nga mga direct contact nga mismo ang iya pamilya.Naga negosyante sang alahas ang nag positibo nga tribal leader kag pila sa lugar nga iya nabisita amo ang Bacolod kag Cadiz City.“Frequentq ni sya naga gwa. Kay naga negosyo ni sya alahas. Kalabanan niya gina kadtuan Bacolod kag Cadiz,” suno kag Bonghanoy.

Wala sang dapat kabalak-an ang publiko sa sitwasyon sang COVID sa probinsya.Ini suno kay Provincial Administrator Rayfrando Diaz, matapos malakip ang probinsya sa ginakabig areas of concern sang OCTA Research Team.Nagapabilin sa modified general community quarantine ang Negros Occidental kag ini base sa assessment kag rekomendasyon sang Department of the Interior and Local Government.Suno kay Diaz, kun nag pa gwa man sang pahayag ang OCTA Research group nga nagalakip sang Negros Occidental sa areas of concern, naga pati si Diaz nga ini ang gikan man sa datus nga nabatun sang amo nga research group.Ginsiling sang OCTA Research nga nabalaka sila sa mga lugar nga nakabig areas of concern ukon ayhan high risk bangud sang epekto sini sa ila tagsa ka mga ospital nga maga apekto s...

Nagpagwa sang Executive Order si Valencia Mayor Edgar Teves nga sumugod subong nga adlaw tubtob sa Disyembre 15, ipaidalom sa total lockdown ang bug-os nga banwa sang Valencia sa Negros Oriental bangud sang pagsaka sang kaso sang COVID-19 sa ila.Nadugangan kahapon sang tatlo ang COVID-19 cases sa Valencia nga karon may 9 na ka active cases sang COVID-19.Ginpakamaayo sang alkalde nga ipaidalom sa lockdown ang banwa agud malikawan ang pag saka pa sang kaso.Magapahamtang sang checkpoints ang banwa sa mga entry points kag essential travel lang amo tugutan nga makasulod sa banwa.Limitahan man ang social kag mass gathering pati na ang market kag business operations sa sulod sang duha ma semana nga lockdown.27 tanan ang dugang nga kaso sang COVID-19 sa Negros Oriental kahapon....

Sa video nga kuha sang isa sa mga residente sang Purok Encarnacion sa Barangay Mansilingan kaina sang aga, makita nga sa ila na mismo nga bentana naga sulod ang tubig baha.Ang mga gamit sa ila nga ground floor nag utaw utaw. Sila nga mga tagbalay nag kutaw na lang sa baha para masalbar ang ila nga mga pagkabutang.Ang ila nga mga sofa gindala nila sa mas mataas nga lugar.Suno sa kay Bernadeth Duerme, ini na ang ila sitwasyon sa kada bubu sang ulan. Basta mag lawigay na ang ulan, ginapakamaayo nila nga mag evacuate na lang bangud may kaingod balay na sila nga napatay kay natumbahan sang pader bangud sang baha.Sa Jose J. Gonzaga Elementary School sila gindala. May kaupod sila nga mga senior citizens kag kabataan.Suno sa mga residente humalin sang nagpa pader ang isa ka con...

Isabela PNP photoNa recover sang otoridad sang Lunes upod ang pamilya sang ginpatay nga si Randy Garsola ang iya sini nga bangkay nga karon tul-an na lang, nga nalubong sa Barangay Riverside sa banwa sang Isabela.Si Garsola ang gina alegar miyembro sang Central Negros 1 Front sang New People's Army kag iya man upod sa hublag nga karon nag surrender na amo ang nagtudlo kun sa diin siya ginlubong.Suno kay Police Captain Joseph Partidas, hepe sang Isabela PNP, gin sugid sang nag surrender nga anay NPA member nga si Ka Ray kun sa diin gin lubong si Garsola bangud isa man siya sadto sa nakasaksi sa pagpatay sa iya.Suno kay Ka Ray, Oktubre pa sang tuig 2018 ginpatay sang ila man mga kaupod sa hublag si Garsola bangud sa naga ayu ini nga magpuli sa iya pamilya kag wala siya gintug...

Talisay PNP photoPatay ang 57 anyos nga construction worker matapos gin tiro kahapon sa isa ka tiangge sa atubang sang resort sa siudad sang Talisay.Siya ang ginkilala nga si Julieto Rosalem Sr.Suno sa hepe sang Talisay PNP nga si Police Major Jigger Gimeno, naga inom lang si Rosalem sa tiangge sang siya ang gintiro sang isa sa duha ka suspek nga naga pungko sa tupad nga lamesa.Suno kay Gimeno, posible nasabaran ang duha ka suspek bangud sa tuman na ka hubog ang biktima gani ila ini gintiro.Gilayon nag palagyo ang mga suspek kag karon padayon ang hot pursuit operation sang PNP.