Balita Hiligaynon

Patay na sang mag abot sa ospital ang 11 anyos nga si Mike Chryster Billones matapos malumos sini lang nga hapon sa suba sa Purok Neptune, Barangay Singcang-Airport.Suno kay Police Captain Jun Ray Batadlan, hepe sang Police Station 8, si Billones ang nag paligo sa suba kaina upod ang iya tatlo pa ka mga abyan nga lunsay mga menor de edad.Ugaling sa iya pag lumpat sa suba suno kay Batadlan, wala na maka butwa si Billones bangud taob kag madalom ang tubig sa suba.Nagpangayo sang bulig ang iya mga abyan kag ila man ginpahibalo ang iya ginikinan.Pero wala na matabangan kag napatay si Billones.

Isa ka 250-bed capacity private hospital ang gina paabot nga mahuman sa tuig 2023 diri sa may Barangay Bata sa Bacolod sa tupad lang sang Ceres North Terminal.Kaina ginpatigayon ang awarding kag contract signing para sa construction sang pasilidad sa isa ka ektarya nga propedad.Suno sa chairman sang construction committee nga si Dr. Jimmy Pacete, state of the art kag moderno nga ospital ang Allied Care Experts Medical Center sa Bacolod nga maka hatag man sang dugang nga trabaho sa mga Negrense.

Gin paidalom sa lockdown ang Bago City Hospital, sumugod subong nga adlaw tubtob sa Domingo.Suno kay Mayor Nicholas Yulo, may pasyente nga nagpositibo sa COVID-19 sang ginpaidalom ini sa re-testing.Negatibo sa virus ang una nga test sang pasyente nga gin-admit sa ospital para magpanganak via cesarean section.Pero nag positibo ini sa virus sang gin re-test suno kay Yulo.Nalakip sa lockdown ang Emergency Department.Suno kay Yulo patigayunon ang disinfection kag maga balik ang operation sang ospital sa Lunes.

Nadugangan sang walo naman ka bag-o nga kaso ang probinsya sang Negros Oriental.Kabahin sa bag-o nga kaso ang isa ka government official nga naga istar sa Dumaguete City.May tig duha ka bag-o nga kaso ang siudad snag Dumaguete, Sibulan, Valencia kag Zamboanguita.May 12 naman ka bag-o nga recoveries ang probinsya.98 karon ang total active cases sang Negros Oriental gikan sa 665 na tanan ka mga kaso.

Base sa record sang Bacolod Emergency Operations Center nga humalin sang Setyembre 30 tubtun Disyembre 2, 1,228 sa 1,507 ka mga persona nga ginpaidalum sa swab test bangud sang sintomas sang COVID-19 ang nag negatibo ang resulta.Ang ini nga resulta ang nagapakita sang 81 porsiento nga negativity rate sa bug-os nga siudad.Suno kay Bacolod Mayor Evelio Leonardia, nagapakita lamang ini nga wala sang dapat kahadlukan ang publiko sa pagpaidalum sa swab testing bangud indi matuod ang ginasiling sang iban nga magpositibo ang resulta sa ti-on nga magpa swab test ang isa ka persona.Ginahaylo sang alkalde ang publiko nga gilayon nga magpa check up sa doktor kun may ginabatyag nga sintomas.Nagapadayon man ang pagpatigayon sang Bacolod EOC sang surveillance testing sa nagkalain-lain ng...

Police Station 8 photoNakita Miyerkules sang gab-i sang caretaker sang isa ka beach resort sa Bangga Aning sa Barangay Pahanocoy ang isa ka rifle grenade.Suno kay Police Captain Jun Ray Batadlan ang rifle grenade ang nakita nga yara sa batuhan sa baybay.Bag-o pa ang na recover nga rifle grenade suno kay Batadlan bangud sa wala pa ini sang tuktok.Ini ang gin turnover na sang Police Station 8 sa Explosive Ordnance Disposal & Canine Unit sang Negros Occidental Police Provincial Office.

Bacolod Emergency Operations Center ang nagapahanumdum nga ginadumili-an sa gihapon nga magsulod sa mga malls kag commercial centers ang mga bata naga edad 15 anyos panubo kag kasubong man ang mga naga edad 66 anyos pasaka.Suno sa Deputy for Medical sang EOC nga si Dr. Chris Sorongon, bisan pa nga ginpahayag ni DILG Secretary Eduardo Ano nga pwede na makasulod sa mga mall ang mga kabataan basta upod ang ginikanan ukon guardian, magadepende ini sa gihapon sa lokal nga pangulohan.Base sa pinaka ulihi nga executive order ni Bacolod Mayor Evelio Leonardia nga nagapaidalum sa siudad sa Modified General Community Quarantine, ginapanugyan sa gihapon ang mga naga edad 15 anyos panubo kag 66 anyos pasaka nga magpabilin sa sulod sang ila panimalay agud indi malatnan sang covid-19.Ginduga...

Isa ka pulis nga personnel sang Cadiz City PNP ang karon naka quarantine bangud san nag positibo ini sa COVID-19.Suno sa PIO sang Negros Occidental Police Provincial Office nga si Police Lieutenant Abegael Donasco, ginpaidalom sa swab test ang pulis bangud sa natalana siya for promotion kag maga tabok kun tani sa Iloilo.Sang nag gwa ang iya resulta sang nag ligad nga semana, ini ang nag positibo sa COVID-19.Gilayon man gindala sa quarantine facility sang siudad ang pulis para mag quarantine.Ginpaidalom man sa swab test ang apat ka personnel sang Cadiz PNP nga close contact sang pulis pero tanan ang negatibo naman sa virus.

PDEA photoArestado sa buybust operation sang PDEA-Special Enforcement Team sini lang nga hapon sa Buri Road sa Bacolod ang kagawad sang Barangay Zone 12-A sa Talisay City nga si Michael Astorga kag duha pa niya ka kaupod.Suno kay Agent Bamboo sang PDEA, tatlo ka semana na nila nga gina monitor ang kagawad nga nagaduso sang iligal nga droga sa siudad sang Bacolod.Upod nga nadakop ang duha niya ka mga upod nga sanday Dino Dimson kag Cris Angelo Abelarde nga nagaduso man sang droga suno sa PDEA.150 gramos ang bug-at sang ginapatihan shabu nga nakuha sa mga suspek.Ini ginabulubanta naga balor sa P1,020,000.Yara karon sa paghinakop sang PDEA ang tatlo ka suspek kag kaso nga pagsupak sa RA 9165 ang ipasaka batuk sa ila.