Wala sang dapat kabalak-an ang publiko sa sitwasyon sang COVID sa probinsya.
Ini suno kay Provincial Administrator Rayfrando Diaz, matapos malakip ang probinsya sa ginakabig areas of concern sang OCTA Research Team.
Nagapabilin sa modified general community quarantine ang Negros Occidental kag ini base sa assessment kag rekomendasyon sang Department of the Interior and Local Government.
Suno kay Diaz, kun nag pa gwa man sang pahayag ang OCTA Research group nga nagalakip sang Negros Occidental sa areas of concern, naga pati si Diaz nga ini ang gikan man sa datus nga nabatun sang amo nga research group.
Ginsiling sang OCTA Research nga nabalaka sila sa mga lugar nga nakabig areas of concern ukon ayhan high risk bangud sang epekto sini sa ila tagsa ka mga ospital nga maga apekto sa ila nga health care system lakip na frontliners.
Nalakip ang isa ka LGU sa areas of concern ukon high risk kun may mata-as ini nga kaso sa matag adlaw, mataas nga COVID-19 attack rate kag high hospital occupancy.
Pero, mas napat-od sang probinsya ang kahimtangan rason nga wala sang dapat kabalak an.
Ang mga ospital suno kay Diaz indi man puno sang mga pasyente sang COVID-19 bisan gani ang mambukal resort ligwa na gikan sa mga empleyado nga positibo sa virus.
Kun sang nagliligad nagdangat sa 80 ang kaso sang COVID-19 sa Negros Occidental sa isa ka adlaw, suno kay Diaz mga duha lamang yadto ka adlaw kag subong nag balik naman sa mga masobra sa bente ang kaso.
May tiun gani sadto nga masobra sa isa ka gatos ang ma record nga kaso pero naga pabilin ang probinsya sa mgcq suno sa iya.
Paathag ni Diaz may mga lugar sa probinsya nga bangud sang business and commerce may matag-as nga kaso sang COVID-19 kasubong sang Kabankalan, Sagay, San Carlos kag Cadiz pero napatuman na ang naga kaigo nga aksyon angut diri.
“Kita ta ya ga drop. And we know what’s happening on the ground. I don’t know what OCTA is referring to. Ang hospitals natun, I just met with the doctors yesterday, there is no sense of alarm from them. And from Cadiz COVID center natun, Cadiz District Hospital, there is not much activity there, wala damo nga pasyente which we are happy about,” suno kay Diaz.
Karon nga Disyembre gina paabot ang pag pinauli dala sang holidays. Suno kay Diaz ila gina pa aabot ang pag timbuok sang kaso pero pasalig sang probinsya maga pabilin nga hugot ang mga protocols. mas labing gina bantayan ang puerto bangud sang posibilidad nga may maka lusot lamang.
“Medyo delikado. And we are hoping to screen them sa airport gyapon with our testing and quarantine before they are allowed to go home. But, basi may maka lusot diri sa ports
natun because there are some cases nga wala gina test test dira sa port natun. So with all the gatherings that’s going to happen this December we are all bracing for another spike,” suno kay Diaz.
Sa report sang DOH, as of Dec. 1, may 47 ka bag-o nga mga kaso sang COVID-19 ang Negros Occidental.